David Goldblatt

David Goldblatt (* 29 November 1930 in Randburg, Transvaal; † 25 Junie 2018 in Johannesburg) was 'n Suid-Afrikaanse fotograaf wat bekendheid verwerf het met sy fotografiese dokumentasie van die alledaagse lewe van Suid-Afrikaners in die ou bedeling. In sy latere lewe het Goldblatt hom aan landskapsfotografie gewy.[1]

David Goldblatt
Gebore(1930-11-29)29 November 1930
Randburg, Transvaal, Unie van Suid-Afrika
Sterf25 Junie 2018 (op 87)
Johannesburg, Suid-Afrika
NasionaliteitVlag van Suid-Afrika Suid-Afrika
Alma materUniversiteit van die Witwatersrand
Harvard-universiteit
BeroepFotograaf
Bekend virOn the Mines (1973), Some Afrikaners Photographed (1975), The Structure of Things Then (1998)
Ouer(s)Eli en Olga Goldblatt

In 1988 was David Goldblatt die eerste Suid-Afrikaner wie se werk in 'n spesiale kunsuitstalling deur die befaamde New Yorkse Museum of Modern Art (MoMA) vertoon is. Die eerste retrospektiewe uitstalling van sy werk is in die lente van 2018 deur die Paryse Centre Pompidou aangebied.

Lewe

Goldblatt is as seun van Joodse immigrante uit Litaue in Randburg gebore. Op die ouderdom van 18 het hy sy fotografiese werk begin. Sy swart-en-wit-foto's, waarmee hy gedurende die 1960's en 1970's internasionale bekendheid verwerf het, het rasverhoudinge in Suid-Afrika anders as nuusmedia nie in kategorieë van onrus en geweld gedokumenteer nie, maar in rustige tonele wat die kloof tussen wit en swart vanuit 'n etiese en morele benaderingshoek uitgebeeld het.

David Goldblatt is op 25 Junie 2018 in sy huis in Johannesburg vreedsaam in sy slaap oorlede.

Verwysings
  1. The Guardian, 25 Junie 2018: South African photographer David Goldblatt dies aged 87. Besoek op 26 Junie 2018
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.