Daryl Impey

Daryl Impey (* 6 Desember 1984 in Johannesburg), is 'n Suid-Afrikaanse professionele padfietsryer. Hy ry tans vir die UCI Mitchelton–Scott span. Sy span was voorheen geborg deur Orica-GreenEDGE Proteam. Gedurende 2010 het hy vir die RadioShack-span gery.

Impey tydens die Tour de l'Ain in 2011.

Tour de France

Hy het in 2012 en 2013 aan die Tour de France deelgeneem.

Gedurende die 2013 Tour de France dra hy die gesogte geel trui na die 6de skof ná verskeie goeie vertonings in die eerste paar skofte en word sodoende die eerste Suid-Afrikaner en persoon van Afrika wat dit kon regkry.[1] Hy verloor egter die geeltrui na die 7de skof.

2014 tydens Tour of Alberta

In 2015 moes hy aan die Tour de France onttrek na 'n ernstige ongeluk in die 3de skof.

Op 14 Julie 2019 wen hy die 9de skof van die Tour de France, slegs die tweede Suid-Afrikaner naas Robbie Hunter wat dit kon vermag. Hy is die eerste Suid-Afrikaner wat 'n skof wen en die geeltrui dra in die Tour de France.

Suid-Afrika

Hy het die Suid-Afrikaanse nasionale pad titel reeds twee keer gewen en die individuele nasionale tydtoets reeds agt keer.

Ander

Hy wen die Toer van Turkye gedurende 2009. Hy wen die die Tour Down Under in 2018 en 2019.

Daryl se vader, Tony Impey, was ook 'n professionele padfietsryer gedurende die 1980's en 90's.

Verwysings
  1. Suid-Afrikaner dra geel trui, Nuus24, 4 Julie 2013

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.