Darlingtondam
Die Darlingtondam (voorheen bekend as die Mentzmeer) is geleë in die Sondagsrivier in die Oos-Kaap. Die dam is gedurende 1922 voltooi. Dit het 'n bakmaat van 187 miljoen m3 met die wal wat 35.3 m hoog is. Die dam is belangrik omrede water uit die Gariepdam via die tonnels en kanale na die Darlingtondam oorgedra word wat uiteindelik Port Elizabeth bereik.[1]
| Darlingtondam | |
|---|---|
 | |
| Ligging | Kirkwood |
| Provinsie/Land | Oos-Kaap, Suid-Afrika |
| Koördinate | 33°12′22″S 25°8′1″O |
| Dam in | Sondagsrivier |
| Doel | Besproeiing, nywerheid en huishoudelik |
| Openingsdatum | 1922 (Opgeknap in 1952) |
| Eienaar | Departement van Waterwese |
| Soort dam | Gravitasiedam |
| Hoogte van wal | 35.3 m |
| Lengte van wal | 230 m |
| Reservoir | Mentzmeer |
| Kapasiteit | 187 000 000 m³ |
| Opvanggebied | 16 700 km2 |
| Damoppervlak | 3452.7 ha |
Aanvanklik was die opgaarvermoë amper 118 miljoen m³. Met die verhoging van die wal in 1935-1936, deur toeslikking genoodsaak, is dit met 23½ miljoen m³ vermeerder. Toe die wal in 1948-1952 vir ‘n tweede keer verhoog is, is die volume van die dam tot net meer as 165 miljoen m³ vergroot. Die besproeibare oppervlakte was daarna net minder as 9 500ha.
Die naaste groot dorp is Kirkwood.
Sien ook
- Darlington, verdronke dorpie onder die Darlingtondam
- Lys van grootste damme in Suid-Afrika
Verwysings
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.