Danium
Die Danium is die eerste chronostratigrafiese etage sowel as geologiese tydsnede van onderskeidelik die sisteem en periode Paleogeen (serie/epog Paleoseen), en dus van die Kainosoïkum-era. Dit verwys na ’n tydperk sowel as die gesteentes wat in dié tydperk gevorm het.
| Periode/ sisteem |
Epog/ serie |
Tydsnede/ etage |
M. jaar gelede | |
|---|---|---|---|---|
| Neogeen | Mioseen | Aquitanium | jonger | |
| Paleogeen | Oligoseen | Chattium | 23,03–28,1 | |
| Rupelium | 28,1–33,9 | |||
| Eoseen | Priabonium | 33,9–38,0 | ||
| Bartonium | 38,0–41,3 | |||
| Lutetium | 41,3–47,8 | |||
| Ipresium | 47,8–56,0 | |||
| Paleoseen | Tanetium | 56,0–59,2 | ||
| Selandium | 59,2–61,6 | |||
| Danium | 61,6–66,0 | |||
| Kryt | Laat | Maastricht | ouer | |
| Die verdeling van die Paleogeen (IKS). | ||||
Die tydperk was van sowat 66 tot 61,6 miljoen jaar gelede.[1] Dit is voorafgegaan deur die Maastricht, die laaste etage/tydsnede van die Kryt-periode en Mesosoïese Era, en is gevolg deur die Selandium.
Naam en definisie
Die Danium is in 1847 deur die Switserse paleontoloog Pierre Jean Édouard Desor genoem na Denemarke. In die 19de eeu is die Danium dikwels nog gereken as deel van die Kryt omdat baie krytgesteentes in Europa in die Danium afgeset is wat nie duidelik van die onderliggende Maastricht onderskei kan word nie.
Die basis van die etage (die K-Pg-grens) word gedefinieer deur ’n duidelik herkenbare laag ryk aan iridium, wat waarskynlik afkomstig was van die meteoriet-impak wat die Kryt-Paleogeen-uitwissing veroorsaak het waarin onder meer die ammoniete en dinosourusse uitgesterf het. Die bokant word gedefinieer deur die magnetostratigrafiese chronosone C27r, net bo ’n radiasie binne die kalkagtige nanoplanktongenus Fasciculithus en deur die eerste verskyning van die nanoplankton Neochiastozygus perfectus.
Die globale stratotipepunt van die Danium lê by die stad El Kef in Tunisië.[2]
Verwysings
- Gradstein et al. (2012)
- Molina et al 2006
Bronne
- (en) Gradstein, F.M.; Ogg, J.G.; Schmitz, M.D. & Ogg, G.M.; 2012: A Geologic Time Scale 2012, Elsevier, ISBN 0444594256.
- (en) Molina, E.; Alegret, L.; Arenillas, I.; Arz, J.A.; Gallala, N.; Hardenbol, J.; Salis, K. von; Steurbaut, E.; Vandenberghe, N. & Zaghbib-Turki, D.; 2006: The Global Boundary Stratotype Section and Point for the base of the Danian Stage (Paleocene, Paleogene, "Tertiary", Cenozoic) at El Kef, Tunisia: original definition and revision, Episodes 29(4), p. 263-273, ISSN 0705-3797.
| Proterosoïkum | Fanerosoïese Eon | |||||||||||
|---|---|---|---|---|---|---|---|---|---|---|---|---|
| Neo- | Paleosoïese Era | Mesosoïese Era | Kainosoïese Era | |||||||||
| Ediacarium | Kambrium | Ordovisium | Siluur | Devoon | Karboon | Perm | Trias | Jura | Kryt | Paleogeen | Neogeen | Kwartêr |
