Daavr Dordzhin

Daavr Dordzhin[1] is 'n Kalmikiese politikus en regsgeleerde. Hy is een van die stigters van die North Caspian Institute en 'n lid van die Oirat-Kalmikiese Volkskongres, 'n separatistiese organisasie wat hom beywer vir die onafhanklikheid van die Republiek van Kalmikië, tans 'n deelgebied van die Russiese Federasie.

Daavr Dordzhin
Dorzdhin met 'n protesplakkaat in Jerewan, Armenië
Gebore
Dawoer Dordzjijef

1996
Elista, Kalmikië, Rusland
NasionaliteitRusland
BeroepPolitikus

Biografie

Dordzhin is in 'n Boeddhistiese Kalmikiese familie in Elista gebore, maar het in Moskou grootgeword, waarheen sy ouers verhuis het toe hy 'n kind was. Hy het regte aan die Hoër Ekonomiese Universiteit gestudeer. Later het hy as besoekende dosent in regsfilosifie en regsvergelyking aan dieselfde universiteit gewerk.[2] Hy het ook as regspesialis gewerk vir verskeie nieregeringsorganisasies op die gebied van menseregte, soos Memorial en OVD Info.[3]

Na die Russiese inval in Oekraïne in Februarie 2022 het hy om veiligheidsredes uit Rusland na Armenië geïmmigreer. Hy werk tans as buitelandse beleidsadviseur vir die Europese Party van Armenië. In Januarie 2023 het hy 'n toespraak namens die Oirat-Kalmikiese Volkskongres in die Europese Parlement in Brussel gehou oor Russiese kolonialisme en die stryd van Rusland se etniese minderhede.[4]

Verwysings
  1. Daavr Dordzhin is die Engelse transliterasie van sy Kalmikiese naam Даавр Дорҗин wat hy in openbare toesprake en publikasies gebruik. Sy amptelike geboortenaam in Russiestalige dokumente is Давур Дорджиев, Afrikaanse transliterasie: Dawoer Dordzjijef.
  2. "Kalmyks". Free Nations League (in Engels). Besoek op 10 Julie 2023.
  3. "Daavr Dordzhin. About the member". Oirat-Kalmyk Congress (in Engels). Besoek op 10 Julie 2023.
  4. Dordzhin, Daavr (2023). "No Borders Among Us // Intervention at the European Parliament". YouTube (in Engels). Besoek op 10 Julie 2023.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.