D.F. Malanmedalje
By die Stellenbosse Werkgemeenskap van die Akademie het die gedagte in 1959 ontstaan om die naam van dr. D.F. Malan (1874 -1959) aan 'n Akademiefonds, -prys, of -stigting te verbind, as 'n blywende hulde aan hierdie volksleier wat ook 'n stigterslid van die Akademie was en lid van die Akademieraad (1934-1936). Op 24 Maart 1961 het die Akademieraad besluit tot die instelling van 'n goue D.F. Malanmedalje "as 'n blywende hulde aan die nagedagtenis van wyle dr. D.F. Malan vir die groot diens wat hy aan die bevordering van die Afrikaanse taal en kultuur gelewer het". Die toekenning word as 'n besonder hoë onderskeiding beskou en word alleen toegeken aan persone wat werk van die hoogste gehalte gelewer het ter bevordering van die Afrikaanse kultuur op die gebiede waarop wyle dr. Malan gepresteer het. Vanaf 1975 word die D.F. Malanmedalje elke drie jaar beskikbaar gestel.
Lys van wenners
- 1962 – kmdt. (sen.) C.A. van Niekerk
- 1967 – prof. G.B.A. Gerdener
- 1972 – mnr. H. Recht Malan
- 1975 – prof. H.B. Thom
- 1978 – dr. Anton Rupert
- 1984 – prof. P.J. Cillié
- 1987 – staatspresident P.W. Botha
- 1990 – mev. Tini Vorster
- 1993 – dr. G. v. N. Viljoen
- 1996 – dr. W.A. de Klerk (postuum)
- 1999 – prof. J.G.H. Combrink (postuum)
- 2002 – ds. I.L. de Villiers
- 2005 – ATKV (Afrikaanse Taal- en Kultuurvereniging)
- 2013 – prof. J. de V. Locher
Bron
- Die artikel is aanvanklik verwerk vanaf Akademiepryse 1909-