Curaçao

Curaçao (Nederlands: [kyːraːˈsʌu], , of [kuːr-]; Papiaments: Kòrsou, [ˈkɔrsɔu̯]), amptelik die Land Curaçao (Nederlands: Land Curaçao; Papiaments: Pais Kòrsou), is 'n eilandstaat in die Karibiese See en behoort tot die ABC-eilande net noord van Venezuela. Tot in 2010 het Curaçao deel uitgemaak van die Nederlands-Antille, maar dié eiland is sedert 10 Oktober 2010 'n outonome land binne die Koninkryk van die Nederlande.[6]

Nasa-Satellietbeeld van Curaçao
Kaart van Curaçao
Land Curaçao
Land Curaçao (Nederlands)
Pais Kòrsou (Papiaments)
Vlag van Curaçao Wapen van Curaçao
Vlag Wapen
Volkslied: Himno di Kòrsou
(Papiaments vir: "Volkslied van Curaçao")

Koninklike volkslied: Wilhelmus
Ligging van Curaçao
Hoofstad Willemstad

12°7′N 68°56′W

Grootste stad Willemstad
Amptelike tale Nederlands, Papiaments en Engels[1][2]
Regering


• Monarg
• Goewerneur
• Eerste minister
 Unitêre parlementêre
verteenwoordigende demokrasie
onder 'n grondwetlike monargie
Willem-Alexander
Lucille George-Wout
Gilmar Pisas
Onafhanklikheid
Outonomiteit
• Datum
binne die Koninkryk van die Nederlande
10 Oktober 2010
Oppervlakte
 - Totaal
 
 - Water (%)		  
444[3] km2  
171 myl2
feitlik geen
Bevolking
 - 2023-skatting
 - Digtheid		  
148 925[4] (177ste)
349,13 / km2 (38ste)
904,2 / myl2
BBP (KKP)
 - Totaal
 - Per capita		 2008-skatting

$2,84 miljard[5] (177ste)
$20 567[5] (46ste)

BBP (nominaal)
 - Totaal
 - Per capita		 2008-skatting

$5,08 miljard[5] (149ste)
$36 800[5] (27ste)

Geldeenheid Nederlands-Antilliaanse gulde (ANG)
Tydsone
 - Somertyd		 AST (UTC-4)
nie toegepas nie (UTC-4)
Internet-TLD .cw, .ana
Skakelkode +599 9
a. Gaan gestaak word.

Die amptelike tale is Nederlands, Papiaments (die volkstaal) en Engels; 'n ander taal wat gepraat word is Spaans. Die hoofstad en grootste stad is Willemstad. Die eiland beslaan 'n oppervlakte van 444 km² en het 'n bevolking van 148 925 in 2023 gehad.

Die internasionale lughawe op die eiland heet Hato-lughawe.

Etimologie

Volgens 'n verklaring was "Curaçao" die naam waarmee die inheemse mense van dié eiland na hulself verwys het, hul autoniem.[7] Vroeë Spaanse optekeninge ondersteun dié teorie, aangesien in hul optekeninge na die inheemse mense as Indios Curaçaos verwys word.[8]

Vanaf 1525 is die eiland op Spaanse kaarte as Curaçote, Curasaote, Curasaore of Curacaute aangedui.[9] Teen die 17de eeu het dit op die meeste kaarte as Curaçao of Curazao verskyn.[8] Op 'n kaart wat deur Hieronymus Cock in 1562 in Antwerpen geteken is, is die eiland Qúracao genoem.[10]

'n Aanhoudende, maar ongedokumenteerde verhaal vertel dat matrose op lang reise in die 16de en 17de eeu – die vroeë jare van Europese verkenning – dikwels skeurbuik gekry het weens 'n gebrek aan vitamien C. Volgens sommige verslae is Portugese of Spaanse matrose wat siek was, op die eiland wat nou bekend staan as Curaçao, agtergelaat. Wanneer hul skip terugkom het, was sommige herstel, waarskynlik genees van skeurbuik nadat hulle vrugte met vitamien C geëet het. Van toe af het die Portugese vermoedelik daarna verwys as Ilha da Curação ("eiland van genesing")[5] en die Spaanse as Isla de la Curación.[11] Volgens 'n ander verklaring is dit ontleen aan die Portugese woord vir hart (coração) wat verwys na die eiland as 'n sentrum vir handel.

Natuur
'n Datu

Die eiland het 'n taamlik droë klimaat. Die kus was vroeër die tuiste van wortelboommoerasse, maar dit het sterk verminder weens menslike aktiwiteite. Daar word nogtans sedert 2007 geprobeer om hulle weer te herstel.[12]

'n Belangrike onderdeel van die eiland se ekologie is die drie groot suilkaktusse wat op die eiland voorkom:

  • Datu (Stenocereus griseus)
  • Kadushi (Subpilocereus repandus)
  • Kadushi di pushi (Pilosocereus lanuginosus)

Hulle word veral deur endemiese vlermuise bestuif.[13]

Galery
  • Luis Brión
    Luis Brión
  • Manuel Carlos Piar
    Manuel Carlos Piar

Verwysings
  1. (nl) "LANDSVERORDENING van de 28ste maart 2007 houdende vaststelling van de officiële talen (Landsverordening officiële talen)". Government of the Netherlands. Geargiveer vanaf die oorspronklike op 10 September 2019. Besoek op 28 Augustus 2014.
  2. (nl) "Over Curaçao". Regering van Curaçao. Geargiveer vanaf die oorspronklike op 26 November 2015. Besoek op 28 Augustus 2014.
  3. (nl) "Waaruit bestaat het Koninkrijk der Nederlanden? – Rijksoverheid.nl". Ministerie van Algemene. 19 Mei 2015. Besoek op 19 Mei 2015.
  4. (nl) "Population". Sentrale Kantoor vir Statistiek Curaçao. Januarie 2023. Besoek op 10 Augustus 2023.
  5. (en) "Curaçao". Central Intelligence Agency. Besoek op 10 Augustus 2023.
  6. (en) "Status change means Dutch Antilles no longer exists". BBC. 10 Oktober 2010. Besoek op 10 Augustus 2023.
  7. (nl) Stemmen uit het Verleden. Van Buurt, G., Joubert, S., 1994, Curaçao.
  8. (en) "Curaçao". Curaçao-nature.com. 2005–2016. Geargiveer vanaf die oorspronklike op 24 Februarie 2021. Besoek op 12 Augustus 2016.
  9. (en) "Taino Names of the Caribbean Islands". 2 Februarie 2015.
  10. (en) "Cock's 1562 map". Library of Congress.
  11. (en) "Curaçao". www.globalsecurity.org. Besoek op 22 September 2019.
  12. (nl) "Antilliaans Dagblad Julie 2017".
  13. (nl) "Christoffelpark. org Sophie Petit CARMABI". Geargiveer vanaf die oorspronklike op 13 Januarie 2018. Besoek op 9 Julie 2017.

Bronnelys
Algemeen

Eksterne skakels
Vlag van die Koninkryk der Nederlande Koninkryk van die Nederlande Wapen van die Koninkryk der Nederlande
Lande:Aruba · Curaçao · Nederland · Sint Maarten
Provinsies in Nederland:Drenthe · Flevoland · Friesland · Gelderland · Groningen · Limburg · Noord-Brabant · Noord-Holland · Overijssel · Utrecht · Zeeland · Zuid-Holland
Besondere munisipaliteite in Nederland:Bonaire · Saba · Sint Eustatius
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.