Cullinan-diamant

Die Cullinan-diamant is die wêreld se grootste diamant.[1] Die diamant is op 26 Januarie 1905 in die Premiermyn by Cullinan (naby Pretoria) deur Frederick Wells gevind. Dit is tot op datum die grootste ruwe sierdiamant wat ooit gevind is. Dit het 3 025 karaat geweeg. Dit was ongeveer 11 cm by 6 cm by 5 cm groot voor dit geslyp is. Wells het 'n beloning van ₤2000 vir sy vonds ontvang. Die diamant is na sir Thomas Major Cullinan, die stigter van die myn, vernoem. Dit is aan die regering van die Transvaalkolonie vir ₤150 000 verkoop. Daarna is die diamant deur die koloniale regering aan koning Edward VII geskenk.

Kopieë van die diamant se snitte in die "Reich der Kristalle"-museum in München. Die boonste een staan as die Groot Ster van Afrika bekend.
Die imperiale staatskroon bevat die vierkantige Cullinan II of Tweede Ster van Afrika.

Die diamant is na twee jaar in nege groot en 95 kleiner stene opgesny. Die grootste steen is die Cullinan I van 530 karaat. Die Cullinan II is 317,4 en die Cullinan III is 94,45 karaat groot.

Voor die Cullinan-diamant gevind is, was die Excelsior-diamant die grootste gewees.

Die 9 grootste dele van die Cullinan-diamant nadat dit vir slyping gekloof is.

Sien ook

Bronne

Verwysings
  1. HAT Taal-en-feitegids, Pearson, Desember 2013, ISBN 978-1-77578-243-8
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.