Cree

Cree (ᓀᐦᐃᔭᐍᐏᐣ, Nēhiyawēwin) is verreweg die belangrikste inheemse taal in Kanada met 96 260 sprekers volgens die 2016-sensus. Cree word deur die Cree-Indiane gepraat en behoort tot die Algiese tale. Dit is ook die tweede mees gebruikte inheemse taal van die Amerikas noord van Meksiko net ná Navajo in die Verenigde State. Daarbenewens het Cree die grootste verspreidingsgebied van al die inheemse tale van die Amerikas, aangesien dit tussen die Rotsgebergte in die weste en die Atlantiese Oseaan in die ooste gebesig word.

'n Teksvoorbeeld in Cree
Hierdie artikel handel oor die taal. Vir die etniese groep, sien Cree (volk).
Cree
ᓀᐦᐃᔭᐍᐏᐣ, Nēhiyawēwin
Gepraat in: Vlag van Kanada Kanada
Vlag van Verenigde State van Amerika Verenigde State
Totale sprekers: 96 260[1]
Taalfamilie: Algies
 Algonkin
  Cree 
Skrifstelsel: Latynse alfabet, Kanadese inheemse lettergrepe (Cree) 
Amptelike status
Amptelike taal in: Noordwestelike gebiede
Gereguleer deur: geen
Taalkodes
ISO 639-1: cr
ISO 639-2: cre
ISO 639-3: cre 
Hedendaagse verspreiding van Cree in Kanada

Cree is 'n dialekkontinuum van Algonkin-tale wat dwarsdeur Kanada gebesig word, tussen die Noordwestelike gebiede, Alberta en Newfoundland en Labrador.[2] As dit as een taal beskou word, is Cree die inheemse taal met die meeste moedertaalsprekers in Kanada.[3] Die enigste gebied waar Cree amptelike status geniet is die Noordwestelike gebiede, saam met agt ander inheemse tale. Daar word Cree veral rondom Fort Smith en Hay River gebesig.[4]

Verwysings
  1. (en) "Language Highlight Tables, 2016 Census – Aboriginal mother tongue, Aboriginal language spoken most often at home and Other Aboriginal language(s) spoken regularly at home for the population excluding institutional residents of Canada, provinces and territories, 2016 Census – 100% Data". Statistiek Kanada. 2 Augustus 2017. Besoek op 22 November 2017.
  2. (en) "Education, Culture, and Employment". Regering van die Noordwestelike gebiede. Besoek op 4 Oktober 2017.
  3. (en) "2006 Census". Statistiek Kanada. Geargiveer vanaf die oorspronklike op 16 Oktober 2013. Besoek op 16 Oktober 2013.
  4. (en) "2016–2017 annual report on official languages" (PDF). Regering van die Noordwestelike gebiede.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.