Cosworth
Cosworth is 'n hoë-prestasie ingenieursmaatskappy, gestig in Londen in 1958, wat spesialiseer in die verskaffing van enjins en elektronika vir die motorrensport asook die hoofstroommotorbedryf. Cosworth se werke is gebaseer in Northampton, Engeland, met Noord-Amerikaanse fasiliteite in Torrance, Indianapolis en Mooresville, Noord-Carolina.
| Cosworth | |
 | |
| Tipe | Privaatmaatskappy |
|---|---|
| Gestig | Londen, 1958 |
| Hoofkantoor | Northampton, Engeland |
| Sleutelpersone | Hal Reisiger (HUB)[1] |
| Gebied bedien | Wêreldwyd |
| Industrie | Motorvoertuig, motorrensport |
| Produkte | Enjins, Enjinbeheerelektronika |
| Dienste | Hoë-prestasie ingenieurswese, presisievervaardiging |
| Eienaar | Gerald Forsythe Kevin Kalkhoven |
| Webwerf | Cosworth.com |
Cosworth het reeds 176 oorwinnings behaal as enjinverskaffer in die Formule Eenkampioenskapsreeks, die tweede meeste na Ferrari.[2]
Geskiedenis
Die maatskappy is gestig as 'n Britse binnebrandenjinbouer vir renmotors deur Mike Costin en Keith Duckworth (COStin en duckWORTH).
Die eerste Cosworth-ontwerp was 'n silinderkop vir die SCA-reeks met 'n enkele bonokas (EBNA) met omgekeerde vloeiopset soortgelyk aan die Coventry Climax FWE-enjin. Ware sukses is behaal met die volgende ratgedrewe dubbelbonokas (DBNA) vierklep-FVA in 1966, toe Cosworth, met die hulp van Chapman, Ford kon oortuig om die ontwerpsregte aan te koop en 'n ontwikkelingskontrak te teken, insluitend vir 'n agtsilinderweergawe. Dit het gelei tot die Cosworth DFV, wat Formule Een vir baie jare oorheers het.
Sedert daardie tyd is Cosworth lank deur Ford ondersteun, en baie van die Cosworth-ontwerpe word besit deur Ford en is aangewys as Fordenjins onder soortgelyke kontrakte. Verdere sukses met die BD-reeks in die 1970s het Cosworth op 'n groeipad geplaas.
Voorbeelde van Cosworth-enjins oor die jare
Cosworth Mk.IV in 'n Lotus 20 van 1962
Cosworth Mk.XIII in 'n Lotus 59
Aluminiumblok 2L BDG in 'n Chevron B19
1803 cc BDT Ford RS200 met sy turboaanjaer en ontsnapklep meer sigbaar as die enjin self
Die GA V6 in 'n 1974 Ford Capri DRM
Die FBA V6 in 'n MkIII Granada Scorpio 24-klepper
'n Cosworth FBA
'n Latere weergawe van die YB-enjin is in die Ford Escort RS Cosworth gebruik
'n Cosworth GBA
Verwysings
- "Cosworth's Hal Reisiger". Autoweek. 64 (7): 78. 17 Maart 2014.
- "Heritage & History" (in Engels). Cosworth. Geargiveer vanaf die oorspronklike op 25 Junie 2017. Besoek op 12 Julie 2010.
| Hierdie artikel is in sy geheel of gedeeltelik vanuit die Engelse Wikipedia vertaal. |
