Cortina d'Ampezzo

Cortina d’Ampezzo (Ladinies: Anpëz of Anpezo; historiese Duitse naam: Hayden) is 'n stad en munisipaliteit in die Italiaanse provinsie Belluno (administratiewe gewes Veneto) met 'n bevolking van 5 669.

Cortina d'Ampezzo
Kaart van Veneto	Wapen
	Vlag
Land	Italië
Gewes	Veneto
Provinsie	Belluno (BL)
Koördinate	46°32′N 12°08′O
Stigting	-
Oppervlakte:
- Totaal	254,51 vk km
Hoogte bo seevlak	1 224 m
Bevolking:
- Totaal (31 Desember 2021)	5 669
- Bevolkingsdigtheid	22,3/vk km
Tydsone	UTC +1 (MET)
- Somertyd	UTC +2 (MEST)
Burgemeester	Gianpietro Ghedina
Amptelike webwerf	Cortina d'Ampezzo

Die stad lê teen 'n hoogte van 1 211 meter bo seevlak in die Dolomiete-reeks (Ampezzaanse Alpe) en is die grootste nedersetting in Ladinia. As 'n bekende wintersportsentrum het Cortina d'Ampezzo as gasheerstad van die VIIde Olimpiese Winterspele van die jaar 1956 asook die Alpynse wêreldbekertoernooie van die jare 1932 en 1941 opgetree. Saam met Milaan sal Cortina d'Ampezzo tussen 6 en 22 Februarie 2026 ook die gasheerstad van die Olimpiese Winterspele 2026 wees. Die stad word in ekonomiese en kulturele opsig deur die toerisme oorheers.