Comoraans

Comoraans (Shikomori of Shimasiwa, letterlik: "taal van die eilande") is 'n Bantoetaal wat deur sowat 922 000 mense op die eilandnasie Comore-eilande in die Indiese Oseaan gepraat word. Dit vorm saam met Arabies en Frans die amptelike tale van die Comore-eilande. Die teks van die Comore-eilande se volkslied, Udzima wa ya Masiwa, is in Comoraans.

Comoraans Shikomori, Shimasiwa
Gepraat in:	Comore-eilande  Mayotte
Gebied:	Oos-Afrika
Totale sprekers:	922 000 (altesaam, sien teks)
Taalfamilie:	Niger-Kongo  Atlanties-Kongo   Volta-Kongo    Benue-Kongo     Bantoid      Suidelike Bantoid       Bantoetale        Noordoos-Kus-Bantoe         Sabaki          Comoraans
Skrifstelsel:	Latynse alfabet Arabiese alfabet
Amptelike status
Amptelike taal in:	Comore-eilande
Gereguleer deur:	geen
Taalkodes
ISO 639-1:	geen
ISO 639-2:
ISO 639-3:	onderskeidelik: zdj – Ngazidja-dialek wni – Ndzwani-dialek swb – Maore-dialek wlc – Mwali-dialek

Comoraans word met die Latynse alfabet of die Arabiese alfabet geskrewe. Comoraans is nou verwant aan Swahili, die ampstaal van die Oos-Afrikaanse lande Kenia, Rwanda, Tanzanië en Uganda.

Elke eiland van die Comore-eilande het sy eie dialek:

• Grande Comore – Ngazidja, sowat 396 000 sprekers[1]
• Anjouan – Ndzwani, sowat 348 000 sprekers[2]
• Mayotte – Maore, sowat 136 500 sprekers[3]
• Mohéli – Mwali, sowat 41 500 sprekers[4]

In teenstelling met die Comore-eilande word Comoraans in die Franse oorsese gebied Mayotte, wat deur die Comore-eilande opgeëis word, nie as 'n amptelike taal erken nie. Daarbenewens word Comoraans op Madagaskar en Réunion gepraat.