Chuck Yeager

Charles Elwood "Chuck" Yeager (Myra, 13 Februarie 1923 - Los Angeles, 7 Desember 2020[1][2]) was 'n Amerikaanse vegvlieënier gedurende die Tweede Wêreldoorlog, toetsvlieënier en afgetrede generaal. Hy het bekendheid verwerf nadat hy die eerste persoon was wat deur die klankgrens gevlieg het.

Vlieënier

Yeager het die klankgrens op 14 Oktober 1947 in 'n Bell X-1-vliegtuig gebreek. Daar is egter aangevoer dat Yeager nie die eerste was nie. Op 9 April 1945 was die Duitse vlieënier Hans Guido Mutke byvoorbeeld na bewering die eerste om vinniger as klank in 'n Messerschmitt Me 262 te vlieg. Nog 'n aanspraak kom van die Amerikaanse vlieënier George Welch wat na bewering twee weke voor Yeager se rekordvlug deur die klankgrens in sy XP-86 Sabre gebreek het. Dertig minute voordat Yeager sy beroemde vlug onderneem het, het George Welch ook blykbaar weer deur die klankgrens gevlieg, maar met 'n duikslag. Die Amerikaanse Lugmag (USAF) het verklaar dat Yeager en sy X-1 die eerste was wat die klankgrens in gelykvlug gebreek het.

Kolonel Chuck Yeager het die Army Distinguished Service-medalje ontvang.

In die rolprent The Right Stuff (1983), oor die baanbrekersdae van ruimtereise, is Yeager se prestasies 'n goue draad in die verhaal. Hy word daarin deur die akteur Sam Shepard uitgebeeld. Yeager verskyn ook vlugtig in die film as die kroegman van Pancho's Place.

Galery
  • Yeager by X-1 nr 1 vernoem na sy vrou: "Glamorous Glennis"
    Yeager by X-1 nr 1 vernoem na sy vrou: "Glamorous Glennis"
  • Yeager voor sy eerste supersoniese horisontale vlug.(film, Engels)
  • Chuck Yeager in 'n NF-104 Starfighter
    Chuck Yeager in 'n NF-104 Starfighter
  • Brigadier-generaal Chuck Yeager
    Brigadier-generaal Chuck Yeager

Verwysings
  1. "Chuck Yeager, who made history for breaking the sound barrier, dies at 97" (Video). Yahoo!. 8 Desember 2020.
  2. Muntean, Pete; Silverman, Hollie (7 Desember 2020). "Chuck Yeager, pilot who broke the sound barrier, dies at 97". CNN. Besoek op 7 Desember 2020.

Eksterne skakel
Hierdie artikel is in sy geheel of gedeeltelik vanuit die Nederlandse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.