Christiana

Christiana is 'n dorp in die suidweste van Noordwes op die oewer van die Vaalrivier.

Christiana
Dorp
Christiana se treinstasie
Christiana se treinstasie
Christiana is in Noordwes (Suid-Afrikaanse provinsie)
Christiana
Christiana
 Christiana se ligging in Noordwes
Koördinate: 27°55′12″S 25°9′36″O
LandVlag van Suid-Afrika Suid-Afrika
ProvinsieNoordwes
DistrikDr. Ruth Segomotsi Mompati
MunisipaliteitLekwa-Teemane
Stigting1870
Oppervlak
 • Totaal50,2 km2 (19,4 vk. myl)
Bevolking
 (2011)[1]
 • Totaal3 571
 • Digtheid71/km2 (180/vk. myl)
Rasverdeling (2011)
 • Wit mense77.6%
 • Indiërs/Asiërs1.1%
 • Bruin mense3.3%
 • Swart mense16.6%
 • Ander1.4%
Taal (2011)
 • Afrikaans84.9%
 • Tswana7.2%
 • Engels4.4%
 • Ander3.5%
Poskode (strate)
2680
Poskode (posbusse)
2680
Skakelkode053

Geskiedenis
Drie Suid-Afrikaanse Klas 6E1-reeks 3 lokomotiewe staan op Christiana se stasie.

Die dorp het sy bestaan te danke aan diamante. Weens baie dispute oor grondbesit in die onderste lope van die Vaalrivier, het die regering in 1870 besluit om 'n dorp te stig op die plaas Zoutpansdrif en die eerste woonerwe is verkoop. Dit is vernoem na die dogter van die Voortrekkerleier Andries Pretorius, wat die rivier hier oorgesteek het. Twee jaar later is diamante ook in die spoelgruis van die Vaalrivier by Christiana ontdek wat tot nog 'n diamantstormloop gelei het. Die stormloop het ook gou tot 'n einde gekom.

Distrik

Die distrik is 1 900 km² groot. Die produksie van beesvleis, mielies, sorghum, grondbone en katoen is die belangrikste ekonomiese bedrywighede. Dit is vandag 'n belangrike boerderysentrum, veral weens die nabyheid van die Vaalharts-besproeiingskema.

Die N12 nasionale pad gaan deur Christiana.

Trivia

Die Rob Ferreira-natuurreservaat en vakansieoord is ongeveer 6 km noordoos van die dorp. Die mineraalfonteine se water is louwarm (36,7°C). Christiana is ook die eerste dorp waar die Britse magte die Transvaalse grens oorgesteek het tydens die Tweede Vryheidsoorlog.

Sien ook

Bronne

Verwysings
  1. Hoofplek Christiana tydens die 2011-sensus. Statistiek vir buurte Utlwanang en Geluksoord apart (in hulle eie artikels) aangedui.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.