Christa McAuliffe

Sharon Christa McAuliffe (2 September 1948 – 28 Januarie 1986) was 'n Amerikaanse onderwyseres en ruimtevaarder van Concord, New Hampshire, wat op die pendeltuig Challenger op missie STS-51-L gesterf het terwyl sy 'n loonvragspesialis was.[1]

Christa McAuliffe
Gebore
Sharon Christa Corrigan

(1948-09-02)2 September 1948
Boston, Massachusetts, V.S.A.
Sterf28 Januarie 1986 (op 37)
Kaap Canaveral, Florida, V.S.A.
NasionaliteitVlag van Verenigde State van Amerika Verenigde State
Alma materFramingham State College
BeroepOnderwyseres en ruimtevaarder
EggenootSteven J. McAuliffe (trou 1970)
Kinders2
Challenger-span: (voorste ry) Michael J. Smith, Dick Scobee, Ronald McNair; (agterste ry) Ellison Onizuka, Christa McAuliffe, Gregory Jarvis, Judith Resnik.

Sy het haar baccalaureusgraad in onderwys en geskiedenis aan die Framingham State College in 1970 en haar meestersgraad in onderwys, supervisie en administrasie [2] van die Bowie State University in 1978 ontvang. Sy het in 1983 'n onderwyspos as 'n onderwyser in sosiale studies aan die Concord High School in New Hampshire aanvaar.

In 1985 is McAuliffe uit meer as 11 000 aansoekers gekies vir die NASA Teacher in Space Project en was geskeduleer om die eerste onderwyser te word om in die ruimte vlieg. As 'n lid van missie STS-51-L, was sy van plan om eksperimente uit te voer en twee lesse vanaf Challenger aan te bied. Op 28 Januarie 1986 het die pendeltuig 1 minuut 13 sekondes na lansering uitmekaar gebreek, wat gelei het tot die verlies van almal aan boord. Na haar dood is verskeie skole ter ere van haar vernoem, en sy is in 2004 postuum met die Congressional Space Medal of Honor bekroon.

McAuliffe wat voorvlugopleiding ondergaan, ervaar gewigloosheid tydens 'n KC-135 "braakkomeet"-vlug
Christa (links) en haar rugsteun Barbara Morgan (regs) probeer ruimtekos in die kantien van die Johnson Space Centre, 10 September 1985

Verwysings
  1. "Biographical data" (PDF).
  2. Hohler, Robert T. (1986).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.