Chnoem

Chnoem was in die Egiptiese mitologie een van die vroegste gode, oorspronklik die god van die brom van die Nylrivier. Omdat die jaarlikse vloed van die Nyl die grond weer vrugbaar gemaak het, is geglo hy is die skepper van die liggame van menslike kinders, wat hy op sy pottebakkerswiel van klei gemaak en dit in vroue geplaas het.

Chnoem
Die god Chnoem is gewoonlik uitgebeeld met die kop van ’n ram.
Soort god Egipties
God vanDie skepping en water
Naam in hiërogliewe
W9E10
SimboolPottebakkerswiel
OuersNoe
SibbesNeith
MetgeselSatet, Heqet, Menhit en Nebtoe
KindersSoms Serket of Ra
Portaal    Antieke Egipte

Eienskappe
Chnoem en die godin Heket, uit die Dendera-tempelkompleks in Dendara.

Chnoem is die derde aspek van Ra. Hy is die god van hergeboorte, die skepping en soms die aandson, hoewel dit gewoonlik die funksie van Atoem was. Die plekke waar hy aanbid is, is beskou as heilig. Hy is soms saam met Anoeket en Satet aanbid as die bewaker van die bron van die Nyl. Kinders is dikwels na hom genoem, met die naam Chnoem-Choefwy – "Chnoem is my Beskermer". Dit was die volle naam van farao Choefoe (Cheops), die bouer van die Groot Piramide van Giza.[1] Chnoem was ook verwant aan die god Min.[2]

Verwysings
  1. Shaw, Ian. The Oxford History of Ancient Egypt. Oxford University Press. 2000. ISBN 0-19-280458-8
  2. Bechtel, F. (1907). "Ammon". The Catholic Encyclopedia I. New York: Robert Appleton Company. URL besoek op 2008-03-27.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.