Chanelle de Jager

Chanelle de Jager, gebore 29 Oktober 1980, Witbank is 'n Suid-Afrikaanse aktrise en skrywer wat veral bekendheid verwerf het vir haar rol as Desiree du Pont in die M-Net sepie, Egoli: Plek van Goud. Chanell het aan Hoërskool Menlopark matrikuleer en het van 1993 tot 1994 drama geneem onder leiding van Liezel Spies aan die Jo-Crystal Dramaskool. In 1995 het de Jager begin om te spesialiseer in drama by die Pro-Arté kunsskool en is vereer met erekleure deur die ATKV. De Jager het as 'n voltydse aktrise vir Franz Marx Films gewerk vir ses jaar van haar loopbaan by die sepie, Egoli: Plek van Goud.

Chanelle de Jager
Geboorte 29 Oktober 1980
Nasionaliteit Vlag van Suid-Afrika Suid-Afrika
Beroep(e) Aktrise en Skrywer
Internet-rolprentdatabasis-profiel

Tydens verlof wat sy in 2004 in die Verenigde Koninkryk geneem het, het sy 'n belangstelling ontwikkel vir kortfilms en die prosesse wat gebeur agter die kamera. Gedurende hierdie tyd, het sy ook 'n kameerol vertolk in 'n Britse dramareeks, Judge John Deed. Met haar terugkeer na Suid-Afrika, het sy rolprentwese en televisie begin studeer by die Motion Picture Acadamy, met hoofvakke soos vervaardiging, redigering, skryf en regie. In haar tweede jaar van haar studies is de Jager 'n pos aangebied as assistent en videoredigeerder vir 'n natuurkinematograaf. Vir hierdie pos moes sy na Kaapstad verhuis.

Aan die begin van 2011 het sy by die akteursagentskap Emma Ress Management aangesluit, sedertdien is de Jager weer 'n voltydse aktrise in advertensies, stemwerk, film en teater. Films waarin de Jager gespeel het, sluit in Smoorverlief (2009), Jimmy in pienk (2012), asook 'n kortfilm wat sy geskryf het, Format (2013) en Faan se trein (2014).

In 2014 het de Jager in die teaterproduksie, Hansel and Gretel, verskyn in die Canal Walk Festival of Fun in Kaapstad en later in dieselfde jaar het sy 'n rol in Fat Pig gekry, waarvan die regie deur Tamryn Spies behartig is, wat ook later by Broadway vertoon is.

De Jager was in 2008 deel van 'n radiodrama, geskryf deur Leon van Nierop, en het ook stemwerk vir verskeie advertensieveldtogte gedoen, onder andere: Spur (Suid-Afrika), die Switserse Lotery (Switserland), Lidl (Duitsland) en Nivea (wêreldwyd).

De Jager is ook 'n regisseur vir die akteursagenskap, KAYOS, wat plasings doen van akteurs in rolle en sy het haar eie vermaaklikheidsbesigheid vir kinders, Jolly Cherry Entertainment. In 2015 het de Jager saam met die akteur, Martin Venter, die platform, Typecast, van stapel gestuur, waar voornemende akteurs nuwe vaardighede kan leer om hulself te bemagtig vir hul loopbane.

Film

De Jager was in verskeie rolle en was ook die skrywer van die twee kortfilms: Konneksies (2015) en Format (2013). Konneksies het 'n SAFTA-nominasie vir beste kortfilm ontvang asook internasionale erkenning in Berlyn en Kalifornië.

  • Swaaibraai, kortfilm, (2019)
  • The Deep End, vertolk die rol van die vlieënier (2018)
  • Stroomop, vertolk die rol van Adrie (2018)
  • Fried Barry, vertolk die rol van Barry se vrou (2018)
  • Red Sea Diving Resort, vertolk die rol van Tatijana (2017)
  • Thys & Trixs, vertolk die rol van June Marais (2017)
  • Langsaan, kortfilm, vertolk die rol van die ma (2017)
  • Van der Merwe, vertolk die rol van Suzette van der Merwe (2016)
  • Konneksies, vertolk die rol van Retha (2015)
  • Faan se trein, vertolk die rol van Annie (2013)
  • Format, kortfilm, vertolk die rol van Nandi Msimang (2013)
  • Jimmy in pienk, vertolk die rol van die verslaggewer (2012)
  • Smoorverlief, kortfilm, vertolk die rol van Antoinette (2009)

Televisie
  • Projek Dina, vertolk die rol van Ronel (2020)
  • The Widow, vertolk die rol van Vanda Steyn (2018)
  • Die Boekklub, vertolk die rol van Giselle Siebert (2017)
  • Outlander, vertolk die rol van Annekje Johansen (2017)
  • Die Byl, Seisoen 2, vertolk die rol van Eldine Roos (2018)
  • Fynskrif, vertolk die rol van Hantie (2018)
  • Boland Moorde, vertolk die rol van Marinda (2016)
  • Egoli: Plek van Goud, vertolk die rol van Desiree du Pont (2001–2009)
  • Judge John Deed, vertolk ʼn cameo rol (2005)

Teater
  • Pienkvoet, vertolk die rol van Chané (2015); opgevoer by die Klein Karoo Nasionale Kunstefees en Aardklop; regie: Leon Kruger.
  • Vat hom flaffie, vertolk die rol van die vrou (2014); opgevoer by die Klein Karoo Nasionale Kunstefees en InniBos; regie: Albert Maritz.
  • Fat Pig; vertolk die rol van Helen Bond (2011, 2012); opgevoer by die Old Mutual Teater; regie: Tamryn Speirs en Broadway
  • Hansel & Gretel; vertolk die rol van die heks en stiefma (2011); opgevoer by die Canal Walk Festival of Fun; regie: Fred Abrahamse.

Toekennings
  • kykNET Silwerskerm nominasie: Beste Aktrise vir Konneksie (2015)
  • Viewers Choice Toekenning: Beste Aktrise en Skrywer vir Konneksie (2015)
  • Internasionale Filmtoekenning, Berlyn: Beste Skryfwerk en Aktrise, vir Konneksie (2015)
  • Toekenning vir uitnemendheid: Beste Skrywer en Spel, tydens die LaJolla Filmfees in Kalifornië (2015)
  • SAFTA-nominasie: Beste Kortfilm vir Konneksie (2015)

Bronnelys
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.