Catherine Deneuve

Catherine Deneuve (gebore as Catherine Fabienne Dorléac; 22 Oktober 1943) is ’n Franse aktrise wat bekendheid verwerf het in rolle van afsydige, geheimsinnige skoonhede.[1][2]

Catherine Deneuve
'n Beeld van die betrokke persoonlikheid.
Deneuve in 2014 by die Cannes-rolprentfees.
Geboortenaam Catherine Fabienne Dorléac
Geboorte 22 Oktober 1943 (1943-10-22)
Aktiewe jare 1957-hede

Loopbaan
Deneuve in 1969.

Deneuve was 13 jaar oud toe sy haar akteursloopbaan met ’n klein rol in Les Collégiennes (1957) begin het, saam met haar jonger suster, die kinderakteur Sylvie Dorléac.[3] Sy het erkenning gekry as Catherine Dorléac, maar het daarna haar ma se nooiensvan gebruik om haar van haar susters te onderskei.

Deneuve het eindelik in meer as 120 rolprente verskyn en is 14 keer vir die Franse César-prys benoem; sy het dit gewen vir Le Dernier Métro (1980) en Indochine (1992).

Sy het die eerste keer aandag getrek in die 1964-prent Les Parapluies de Cherbourg en het daarna in Répulsion (1965), Belle de Jour (1967) en Tristana (1970) verskyn. Sy is ook vir ’n Bafta benoem vir haar spel in Belle de Jour en vir ’n Oscar vir Indochine. In 1998 het sy die Volpi-beker by die Venesiese Rolprentfees gewen vir Place Vendôme.

Haar ander rolprente sluit in die neo-noir-misdaadprent Hustle (1975), die erotiese riller The Hunger (1983), die musiekdrama Dancer in the Dark (2000), die swart komedie 8 Women (2002) en die komediedrama In the Courtyard (2014).

Verwysings
  1. "http://movies.msn.com: Catherine Deneuve Biography". Geargiveer vanaf die oorspronklike op 9 Mei 2008. Besoek op 18 Februarie 2016.
  2. www.answers.com: Catherine Deneuve Biography Britannica Concise Encyclopedia: Catherine Deneuve. Besoek op 2008-11-25.
  3. "Catherine Deneuve interviewed by Arnaud Despelchin". Film Comment (November/Desember 2008 ).

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.