Casper de Vries
Casper de Vries is 'n Afrikaanse komediant en akteur. Hy is veral bekend vir sy eenman-vertonings en skurwe taal. Baie Afrikaners hou van sy humor, hoewel sommige dit as walglik beskou.
| Casper de Vries | |
| Geboorte | 1 Junie 1964 Pretoria |
|---|---|
| Nasionaliteit | Suid-Afrika |
| Beroep(e) | Akteur, komediant |
| Internet-rolprentdatabasis-profiel | |
De Vries is op 1 Junie 1964 in Pretoria, Suid-Afrika gebore. Hy is die seun van 'n Suid-Afrikaanse vader en 'n Nederlandse moeder en het dubbele burgerskap. Hy het drama aan die Universiteit Stellenbosch studeer. Sy afstudeeropdrag in 1986 (die voorstelling: Hallo Suid-Afrika) was die begin van sy professionele loopbaan. Daarna tree hy jaar-na-jaar in vertonings op, tot hy in 1997 met sy eenman-vertonings begin het. Behalwe Afrikaans praat hy ook vlot Nederlands.
Lewendige vertonings
Hier is 'n lys van sy eenman-vertonings:
- Walgwors (1997)
- Wetter (1998)
- Toet & Taal (1999)
- Laat Daar Lag Wees (2000)/(2001)
- DiMensie (2002)
- Die Hits (2003)
- Snaaks Genoeg (2004)
- My Wêreld (2006)
- Mondig (2007)
- BroedersAncestors (2009)
- Gaan Groot (2010)
- Vark in hel (2011)
Filmografie
Rolprente waarin De Vries gespeel het:
- Egoli: Afrikaners is plesierig, 2010
- Haak en Steek as Blertsie du Toit en Hanno Gelderblom
- Alec to the Rescue (1999) as Train Steward
- Soweto Green (1995) as Adrian Fluit
- Sweet 'n Short (1991) as George Weedle
- Taxi to Soweto (1992) as 'n Telekommunikasie Ingenieur
- Kwagga Strikes Back ook bekend as Oh, Shucks-here comes UNTAG (1990) as Jaap van den Ploes
Sien ook
Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.