Cartouche
’n Cartouche in Egiptiese hiërogliewe is ’n ovaal met ’n horisontale streep aan die einde wat aandui dat die teks daarbinne die naam van ’n farao is. Dit is soms ook vir die naam van gode gebruik. Hoewel die cartouche gewoonlik vertikaal met ’n horisontale eindstreep is, is dit soms horisontaal met ’n vertikale eindstreep.[1] In populêre skrif, ’n vereenvoudigde vorm van die hiërogliewe wat later ontstaan het, is die cartouche gereduseer tot twee hakies en ’n vertikale lyn.
Die farao se troon- en persoonlike naam is gewoonlik binne die cartouche geskryf. Die doel daarvan was om hom te beskerm teen bose geeste, in die lewe en die dood.
Naam
Die antieke Egiptiese naam daarvoor was sjenoe, want die cartouche was die uitbreiding van ’n sjen-ring, die simbool vir ewigheid.
Die woord "cartouche" is die eerste keer deur die soldate van Napoleon gebruik toe hulle Egipte binnegeval en dié ovaal ringe teëgekom het oral waar hulle gegaan het. Dit het vir hulle gelyk soos ’n geweer se patroon (Frans: cartouche).[2]
Verwysings
- http://artyfactory.org/egyptian_art/cartouche_lesson/cartouche_lesson.htm
- White, Jon Manchip, Everyday Life in Ancient Egypt, Courier Dover 2002, p.175
Eksterne skakels
- "Cartouches" (PDF) (in Arabies). Egiptiese Staatsinligtingsdiens. Geargiveer vanaf die oorspronklike (PDF, 8,87 MB) op 15 Junie 2011. Besoek op 13 Julie 2010.
Wikimedia Commons het meer media in die kategorie Cartouche.
Hierdie artikel is vertaal uit die Engelse Wikipedia