Carte Blanche
Carte Blanche is die vlagskip tydskrif- en aktualiteitsprogram op M-Net, 'n Suid-Afrikaanse betaaltelevisiekanaal wat onder meer op die DStv-skotteltelevisiediens uitgesaai word. Carte Blanche is in 1988 van stapel gestuur en word tydens spitstyd op Sondagaande uitgesaai. Op 21 September 2008 is 'n spesiale uitsending uitgesaai om twintig jaar se omroep te herdenk.[1] Die program word weekliks deur 'n gehoor van 500 000 gekyk en bly konstant op die top-10-lys van M-Net-programme.[2]
| Carte Blanche | |
| Genre | Joernalistiese TV-reeks |
|---|---|
| Aangebied deur | Derek Watts Bongani Bingwa Devi Sankaree Govender |
| Oorsprong |  Suid-Afrika |
| Produksie | |
| Vervaardiger(s) | Combined Artists |
| Uitsending | |
| Oorspronklike kanaal | M-Net |
| Beeldformaat | 16:9 |
| Eerste lopie | 1988 |
Carte Blanche het 'n plaaslike vlak van betroubaarheid in Suid-Afrikaanse joernalistiek ontwikkel en het al meer as 100 plaaslike en internasionale toekennings ontvang.[3] Onlangse verslaggewing wat die getuienis van spirituele mediums en skynwetenskap insluit, het egter veroorsaak dat Carte Blanche se status vir betroubare joernalistiek in die twyfel getrek word.[4]
Ruda Landman en Derek Watts het as ankers vir die program opgetree sedert die eerste uitsending en was die langste aktiewe ankers in die geskiedenis van Suid-Afrikaanse televisie. Landman het die program op 24 Junie 2007 verlaat. Die program word tans deur Derek Watts en Bongani Bingwa aangebied.
Verwysings
- "CB20: Birthday special". MNet. Besoek op 20 Oktober 2008.[dooie skakel]
- "TVSA".
- Carte Blanche, archived from the original on 26 November 2009, https://web.archive.org/web/20091126185000/http://www.mnet.co.za/Mnet/Shows/carteblanche/Awards.asp, besoek op 18 Julie 2009
- "Failing journalism" (in Engels). News24. 31 Julie 2007. Geargiveer vanaf die oorspronklike op 1 Desember 2008. Besoek op 20 Oktober 2008.
Eksterne skakels
- (en) Amptelike webwerf