Cannon Rocks

Cannon Rocks is 'n klein kusdorpie aan die Indiese Oseaan in die Oos-Kaapprovinsie van Suid-Afrika, tussen Boknesstrand en die grens met die Groter Addo-Olifant Nasionale Park. Dit is 135 km oos van Port Elizabeth en 180 km wes van Oos-Londen geleë en ongeveer 15 minute vanaf die dorpie Kenton-on-Sea. Port Alfred is ongeveer 30 km oos van Cannon Rocks.[2] Cannon Rocks is deel van die Ndlambe Plaaslike Munisipaliteit in die Sarah Baartman-distriksmunisipaliteit van die Oos-Kaap.

Cannon Rocks
Dorp
Cannon Rocks  Cannon Rocks se ligging in Oos-Kaap
Koördinate: 33°45′S 26°33′O
Land	Suid-Afrika
Provinsie	Oos-Kaap
Distrik	Sarah Baartman
Munisipaliteit	Ndlambe
Stigting	1820
Oppervlak [1]
• Totaal	3,12 km2 (1,20 vk. myl)
Bevolking  (2011)[1]
• Totaal	214
• Digtheid	69/km2 (180/vk. myl)
Rasverdeling (2011) [1]
• Wit mense	87.9%
• Indiërs/Asiërs	0.9%
• Bruin mense	0.5%
• Swart mense	10.7%
Taal (2011) [1]
• Engels	52.3%
• Afrikaans	44.4%
• Xhosa	1.4%
• Ander	1.9%
Poskode (strate)	6186
Poskode (posbusse)	6186
Skakelkode	046

Die dorp is genoem na twee kanonne van historiese belang en is naby aan die Diaskruis, wat vyf eeue gelede deur Bartolomeus Dias, die eerste Portugese ontdekkingsreisiger wat om die ooskus van Suid-Afrika gevaar het.[3]

Cannon Rocks is 'n belangrike merker vir weervoorspellings aan die kusstreek. Dit verdeel twee seksies: Plettenbergbaai na Cannon Rocks; en Cannon Rocks tot Keimond.[4]