Bumespruit

Die Bumespruit is 'n spruit in die Krugerwildtuin wat in die Krokodilrivier uitmond in Mpumalanga in Suid-Afrika. Dit vloei tussen die Mbiyamitirivier in die weste en Vurhamispruit in die ooste, albei ook linkersytakke van die Krokodil. Bume is 'n Swaziwoord wat "regopstaande" beteken.[1]

Bumespruit
Uitsig vanaf die Krokodilrivierpad, Krugerwildtuin Uitsig vanaf die Krokodilrivierpad, Krugerwildtuin
Stroomgebied	Mpumalanga, Suid-Afrika
Monding	Krokodilrivier
Monding-hoogte	202 m
Bumespruit
Koördinate: 25°18′9″S 31°46′13″O

Die spruit ontspring suid van Siyalukop (341 m) in die suidelike Krugerwildtuin, vanwaar dit suidooswaarts vloei tot op die suidgrens van die wildtuin. Net stroomop (4 km) van Marloth Park vloei dit met die Krokodilrivier saam. Mpondodam is in een van die bolope geleë. Die Bumepad (S26) is 'n sandpad wat die loop van die spruit vir sowat 22 km volg. Die spruit word oorgesteek deur die S102 by Buffeldorings-watergat en die Mpondodam, die S108 by Gayisenga-watergat, en laastens deur die Krokodilrivierpad (S25).