Bultfontein

Bultfontein is 'n dorp in die Vrystaatprovinsie van Suid-Afrika, 97 km noord van Bloemfontein.

Bultfontein
Dorp
Bultfontein is in Vrystaat
Bultfontein
Bultfontein
 Bultfontein se ligging in Vrystaat
Koördinate: 28°17′17″S 26°9′1″O
LandVlag van Suid-Afrika Suid-Afrika
ProvinsieVrystaat
DistrikLejweleputswa
MunisipaliteitTswelopele
Stigting1874
Oppervlak
 • Totaal39,50 km2 (15,25 vk. myl)
Bevolking
 (2011)[1]
 • Totaal2 176
 • Digtheid55/km2 (140/vk. myl)
Rasverdeling (2011)
 • Wit mense58.3%
 • Indiërs/Asiërs0.8%
 • Bruin mense0.6%
 • Swart mense38.5%
 • Ander1.8%
Taal (2011)
 • Afrikaans 58.1%
 • Sotho 24.3%
 • Xhosa 6.2%
 • Tswana 3.9%
 • Ander 7.4%
Poskode (strate)
9670
Poskode (posbusse)
9670
Skakelkode051

Geskiedenis

Die dorp is in 1874 gestig. Die dorp het sy ontstaan te danke aan 'n sterk fontein, wat op die bult ontspring het. Dit was eers deel van die plaas Kameeldorings. Boesmans, Voortrekkers en wilde diere het by die bron kom water drink.

Bultfontein se fonteinarea is omskep in 'n park genaamd Parabaai. Die park het sy ontstaan te danke gehad aan ene Gerrit Viljoen (1893-1968), wie se idee dit was om die park te stig en te ontwikkel.

Bultfontein is ryk aan geskiedenis, naamlik: Die Tweede Vryheidsoorlog, vliegveld en die Boesmans. In die dorp se ou begraafplaas is Engelse soldate begrawe, wat tydens die oorlog gesneuwel het. Die vliegveld is deur D.J. Viljoen, seun van Gerrit Viljoen, en ander vennote soos Sannie Bekker ontwikkel. Bultfontein beskik oor groot neerslae goud en diamante. Myne sou op die dorp gestig word, maar het nooit 'n werklikheid geword nie.

Die plaas Bultfontein het eers aan Andrew Murray behoort, voor dit 'n dorp geword het. Bultfontein self het 'n bevolking van sowat tweeduisend inwoners en maak deel uit van die Tswelopele Plaaslike Munisipaliteit.

Distrik

Die distrik is 3 000km2 groot. Mielies is die belangrikste gewas wat in die distrik verbou word asook sonneblomme, graan en grondbone. Trofeejag is ook van belang in die distrik.

Boorlinge van Bultfontein

Sien ook

Verwysings
  1. "Hoofplek Bultfontein". Sensus 2011.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.