Bruniaceae

Die familie Bruniaceae is 'n kenmerkende element van die fynbosbioom en met uitsondering van Brunia trigyna wat in KwaZulu-Natal en die Oos-Kaap voorkom, is hulle beperk tot die Kaapse floraryk. Alle Bruniaceae is houtagtig. Dis meestal struike van medium grootte, maar wissel van rotsskeurspesies tot klein bome. Heelparty spesies het houtige knolle wat 'n aanpassing is aan die brande wat hulle oorleef deur weer uit die knolle na vore te kom. Vrugte bestaan hoofsaaklik uit een saadjie en is droog neute. Blomme is klein tot van medium grootte, bakvormig, kwasagtig of buisvormig; hulle is wit, room, geel, pienk, diep roos of magenta. Daar is ses genera in drie tribus met 81 spesies. Die familie is endemies aan Suid-Afrika.[1]

  • Tribus Linconieae
    • Linconia L. -- Drie spesies in die suidweste van Wes-Kaap tot Heidelberg; in droë rotsskeure of klam fynbos op suidelike hange. Hoogtes van 500 - 1500 m
  • Tribus Audouiniae
    • Audouinia -- Vyf spesies in fynbos in die suidwes-Kaap
    • Thamnea -- Nege spesies beperk tot berghange in die suidwestelike deel van die Kaap. Op goed gedreineerde grond op hoogtes >1000 m; behalweT. thesioides ca. 700 m.
  • Tribus Brunieae
    • Staavia -- Elf spesies in die suidwestelike streek van Wes-Kaap, ooswaarts na Riversdal en noordwaarts na Nieuwoudtville in Noord-Kaap. In droë, moerasagtige of bergagtige gebiede met vogdraende wolke, van seevlak tot 1200 m
    • Berzelia --Sestien spesies, algemeen tot kritiek skaars.In die suidwestelike streek van Wes-Kaap, ooswaarts tot in Grahamstad in Oos-Kaap. Droë tot klam grond, hoofsaaklik sandsteensubstrate maar ook op kalksteen, 0 tot 2000 m.
    • Brunia -- 37 spesies in vyf subgenera. In die suidwestelike streek van Wes-Kaap, ooswaarts tot by die Uitenhage-distrik in Oos-Kaap; fynbosplante, dikwels beperk tot berghange, sommige kritiek skaars. B. trigyna is slegs bekend van suidelike KwaZulu-Natal en Oos-Kaap. Gewoonlik op klam grond, langs rivieroewers of selfs in moerasse (B. fragarioides), as dit in droër gebiede groei, dan ontvang vog van vogdraende wolke op hoogtes van 0–2200 m.

Bruniaceae
Brunia sp.
Wetenskaplike klassifikasie e
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Klade: Asterids
Orde: Bruniales
Familie: Bruniaceae
R.Br. ex DC., 1825
Genera

Sien teks

Verwysings
  1. Claßen-Bockhoff, R. (2016). Bruniaceae. In: Flowering Plants. Eudicots. The Families and Genera of Vascular Plants, vol 14. Springer, Cham. doi:10.1007/978-3-319-28534-4_6. {{cite book}}: Onbekende parameter |editors= geïgnoreer (hulp)AS1-onderhoud: gebruik authors-parameter (link)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.