Bruce Lee

Bruce Jun-fan Lee (27 November 1940 – 20 Julie 1973) was 'n Chinese vegkunstenaar, filosoof, vegkunsinstrukteur en vegkunsakteur. Hy was ook die stigter van die vegkuns "Jeet Kune Do". Lee word algemeen beskou as die invloedrykste vegkunstenaar van die twintigste eeu.[1] Hy was ook die vader van die akteur Brandon Lee en die aktrise Shannon Lee.

Bruce Lee
Bruce Lee in 1973
Bruce Lee in 1973
Geboortenaam Lee Jun-fan
Geboorte 27 November 1940
San Francisco, Verenigde State
Sterfte 20 Julie 1973 (op 32)
Hongkong
Nasionaliteit Chinees-Amerikaans
Beroep(e) Vegkunstenaar, filosoof, vegkunsinstrukteur en vegkunsakteur
Internet-rolprentdatabasis-profiel
Bruce Lee met sy seun Brandon in 1966.
Die grafte van Bruce en Brandon Lee in Seattle.

Lee is in San Francisco, Kalifornië gebore, maar het in Hongkong groot geword. Sy rolprente het die tradisionele Hongkong-vegkunsrolprent nuwe gewildheid en lof gebring en gesorg vir die eerste grootskaalse belang in Chinese vegkuns in die Weste. Die regie en toon van sy rolprente het vegkuns en vegkunsrolprente die wêreld oor beïnvloed.

Lee het 'n ikoniese figuur geword, veral vir die Chinese volk, siende dat hy Chinese nasionale trots en Chinese nasionalisme in sy rolprente uitgebeeld het.[2] Hy het hoofsaaklik Chinese vegkuns (Koeng foe) beoefen, veral Wing Tsun.

Verwysings
  1. Stein, Joel (1999). "TIME 100: Bruce Lee". Time (in Engels). Geargiveer vanaf die oorspronklike op 2 Desember 2009. Besoek op 30 Mei 2008.
  2. Dennis, Felix; Atyeo, Don (1974). Bruce Lee King of Kung-Fu. United States: Straight Arrow Books. ISBN 0-87932-088-5.{{cite book}}: AS1-onderhoud: meer as een naam (link)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.