Brown-universiteit

Brown-universiteit is 'n privaat "Ivy League" navorsingsuniversiteit in Providence, Rhode Island. Dit is gestig in 1764 as die "College in the English Colony of Rhode Island and Providence Plantations". Dit is die sewende oudste instituut van hoër onderwys in die Verenigde State van Amerika, en een van die nege koloniale kolleges wat geoktrooieer was voor die Amerikaanse Revolusie.[1]

University Hall, Brown-universiteit se oudste gebou, is in 1770 opgerig en is 'n nasionale gedenkwaardigheid

Soldiers Memorial Gate (1921) het geruime tyd gedien as die oostelike grens van die kampus

Die Van Wickle Gates staan op die hoogte van College Hill

Die John Hay-biblioteek is die tuiste van skaars boekversamelings asook die universiteitsargiewe

By die universiteit se stigting was dit die eerste kollege in die VSA om studente te aanvaar, nieteenstaande hul religieuse affiliasie.[2] Die universiteit se ingenieursprogram is opgerig in 1847. Dit is een van die vroegste VSA institute wat doktorale grade toegeken het in die laat 19de eeu, met die toevoeging van meesters- en doktorale studies in 1887.[3]

In 1969 het Brown Universiteit 'n nuwe kurrikulum aangeneem wat na verwys word as die "Brown Kurrikulum", na 'n tydperk van volgehoue studentepetisies. Die "nuwe kurrikulum" het die vereiste van verpligte "algemene opvoeding" geskrap, en studente die "argitekte van hul eie sillabus" gemaak en hul ook toegelaat om enige kursus te neem van bevredigende of onopgeneemde geen-krediet, vir 'n graadstudie.[4] In 1971 is Brown Universiteit se "coordinate women's institution", Pembroke Kollege, ten volle geïntegreer in die universiteit, en Pembroke Kampus se slaapsale en klaskamers dienooreenkomstig deur die hele Brown Universiteit gebruik.

Voorgraadse toelatings is hoogs selektief, met 'n aanvaardingskoers van slegs 7.2% vir die 2022 klas.[5] Die universiteit behels die Kollege, die Nagraadse Skool, die Alpert Mediese Skool, die Ingenieursskool, die Skool van Openbare Gesondheid, en die Skool van Professionele Studies (welke die IE Brown Executive MBA program insluit). Brown Universiteit se internasionale programme word georganiseer deur die Watson Instituut vir Internasionale en Openbare Aangeleenthede, en die university is op akademiese vlak geaffilieer met die Mariene Biologiese Laboratorium en die Rhode Island Ontwerpersskool. Die Brown/RISD "Dual Degree Programme", wat aangebied word in samewerking met die Rhode Island Ontwerpersskool, is 'n vyfjaar kursus wat grade toeken van beide institute.

Brown Universiteit se hoofkampus is geleë in die College Hill Historiese Distrik in the stad van Providence, Rhode Island. Die universiteit se buurt is 'n federaal gelyste argitekturele distrik met 'n digte konsentrasie van geboue uit die koloniale era. Benefit Street, op die westerse rand van die kampus, bevat "een van die fynste en mees samehangende versamelings van gerestoureerde sewentiende- en agtiende-eeuse geboue in die Verenigde State.[6]

Daar is reeds agt Nobel-pryswenners geaffilieer met Brown Universiteit as alumni, fakulteitslede of navorsers. Bykomend hiertoe, sluit Brown Universiteit se fakulteit en alumni vyf "National Humanities" Medaljewenners[7] in, en tien "National Medal of Science laureates". Ander noemenswaardige alumni sluit in agt miljardêrs[8], 'n regter van die Hooggeregshof van die VSA, vier VSA Sekretarisse van Staat en ander kabinetslede, 54 lede van die VSA kongres, 56 Rhodes Scholar ontvangers, 52 Gates Cambridge Scholar ontvangers[9], 49 Marshall Scholar ontvangers[10][11], 14 MacArthur Genius Fellows,[12] 21 Pulitzer pryswenners, verskeie koninklikes en adellikes, sowel as leiers en uitvinders van Fortune 500 maatskappy.[13]