Britse Lugmag

Die Koninklike Britse Lugmag (Engels: Royal Air Force, afgekort RAF) is die lugmag van die Verenigde Koninkryk. Die lugmag is in 1918 gestig[2] deur die samesmelting van die Koninklike Vliegkorps en die Britse Vloot se lugdiens. Dit is die oudste lugmag ter wêreld.[3] Die eerste hoof van die Britse Lugmag was Hugh Trenchard.

Britse Lugmag
Gestig 1 April 1918
Land Verenigde Koninkryk
Onderdeel van Britse Gewapende Magte
Tipe Lugmag
Logo
Vaandel Vaandel van die Britse Lugmag
Rondeel
Hoofkwartier MoD Main Building, Whitehall
Aantal lede 33 200 aktief en 1 940 RAuxAF
3 300 Reserwepersoneel
606 vliegtuie (Verdere 135 bestel)[1]
Mars Royal Air Force March Past
Veldslae Eerste Wêreldoorlog
Tweede Wêreldoorlog
Korea-oorlog
Viëtnamoorlog
Golfoorlog
Die Sopwith Camel was die vernaamste Britse vliegtuig in die Eerste Wêreldoorlog. Daar is meer as 20 000 van die vliegtuie gebou.

Die Britse Lugmag beskik oor verskeie basisse oor die wêreld, insluitende in die Verenigde Koninkryk, Falkland-eilande, Siprus en Gibraltar. Hierdie basisse het gewoonlik 'n voorvoegsel 'RAF' wat staan vir "Royal Air Force". Voorbeelde van hierdie basisse is: RAF Lossiemouth in Skotland, RAF Valley in Wallis, RAF Aldergrove in Noord-Ierland en RAF Linton-on Ouse in Engeland.

Die Britse Lugmag beskik oor moderne vliegtuie soos die Eurofighter Typhoon, Panavia Tornado en die BAE Hawk. Die Hawk word gebruik om vlieëniers van snelbewegende vliegtuie op te lei.

Fotogalery van die lugmag se moderne vliegtuie

Verwysings
  1. "World Air Forces" (PDF) (in Engels). Flight International. 2014. Geargiveer (PDF) vanaf die oorspronklike op 21 April 2020. Besoek op 4 September 2014.
  2. "RAF Timeline 1918–1929". Royal Air Force. 2011. Besoek op 20 April 2011.
  3. "World War I". Royal Air Force. 2011. Besoek op 20 April 2011.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.