Britse Indiese Oseaangebied

**British Indian Ocean Territory**
**Britse Indiese Oseaangebied**
Vlag	Wapen
	Nasionale leuse: In tutela nostra Limuria; (Latyns vir: "Limuria is in ons beheer")
	Volkslied: God Save the Queen;
Hoofstad	Diego Garcia 7°18′S 72°24′O
Grootste stad	Diego Garcia
Amptelike tale	Engels
Regering ; • Monarg; • Kommissaris; • Administrator; • Verantwoordelike; Britse minister	Parlementêre demokrasie binne; ’n grondwetlike monargie; Elizabeth II; Peter Hayes[1]; Tom Moody[1]; ; Mark Simmonds
Onafhanklikheid Stigting; • Britse oorsese gebied	; ; 1965
Oppervlakte; - Totaal; ; - Water (%)	; 54 400 km2 ; 21 004 myl2; 99,89
Bevolking; - -skatting; - Digtheid	; 3 000[2] (-); 58,3 / km2 ; 160,0 / myl2
Geldeenheid	Amerikaanse dollar (de facto)[3][4]; Pond sterling (de jure)[2][5][6] (USD/GBP)
Tydsone; - Somertyd	(UTC+4); nie toegepas nie (UTC+4)
Internet-TLD	.io
Skakelkode	+246

Die Britse Indiese Oseaangebied (Engels: British Indian Ocean Territory / BIOT) is 'n oorsese gebied van die Verenigde Koninkryk geleë in die Indiese Oseaan, halfpad tussen Afrika en Indonesië, suid van die Maledive. Die gebied bestaan uit die 7 atolle van die Chagos-argipel (Hindi: फेहंद्वीप / Phehandweep, Tamil: பேகான தீவுகள் / Paeikaana Theevukal, Dhivehi: ފޭހަންދީބު / Feyhandheebu) met meer as 1000 individuele eilande met 'n oppervlakte van 60 km².[4] Die gebied word van Mauritius en die Seychelle geëis.

Die grootste eiland is Diego Garcia met 'n oppervlakte van 44 km², die ligging van 'n gesamentlike militêre fasiliteit van die Verenigde Koninkryk en die Verenigde State. Ná die uitsetting van die inheemse bevolking (Chagossians) in die 1960's is die enigste inwoners Amerikaanse en Britse militêre personeel en gepaardgaande kontrakteurs, wat gesamentlik ongeveer 4 000 mense omvat (2004).[4]

Geskiedenis

Kaart van die Britse Indiese Oseaangebied

Kaart van die Britse Indiese Oseaangebied voor die onafhanklikheid van die Seychelle in 1976

'n Verlate plantasie op Diego Garcia

Die eilande van die Chagos-argipel is vroeg in die sestiende eeu deur Vasco da Gama ontdek en toe in die agtiende eeu deur Frankryk opgeëis as 'n besitting van Mauritius. In 1810 word Mauritius egter deur die Verenigde Koninkryk gebuit en doen Frankryk afstand van die gebied in die Verdrag van Parys. Plaaswerkers migreer in die laat 19de eeu na die hoofeiland Diego Garcia en vestig kopraplantasies.

In 1965 skei die Verenigde Koninkryk die Chagos-argipel van Mauritius en die eilande Aldabra, Farquhar en Desroches (Des Roches) van die Seychelle om die Britse Indiese Oseaangebied (BIOG) te vorm. Die doel hiermee was om die bou van militêre fasiliteite vir die gemeenskaplike voordeel van die Verenigde State en die Verenigde Koninkryk moontlik te maak. Die eilande is amptelik as 'n oorsese gebied van die Verenigde Koninkryk gevestig op 8 November 1965. Op 23 Junie 1976 word Aldabra, Farquhar en Desroches aan die Seychelle terugbesorg na aanleiding van die land se onafhanklikheidswording. Sedertdien bestaan die BIOG slegs uit die ses hoofeilandgroepe wat die Chagos-argipel beslaan.

In 1966 koop die Britse Regering die kopraplantasies in privaatbesit, sluit dit, en verwyder die hele bevolking (wat as die "Ilois" bekendstaan) van Diego Garcia na Mauritius. Die Ilois wat nou in Mauritius en die Seychelle woon het deurentyd aangedring op hulle reg om na Diego Garcia terug te keer en 'n belangrike regsoorwinning behaal in die Britse Hooggeregshof in 2000. Die beslissing is egter omgekeer deur 'n sogenaamde order-in-council of raadsbevel in Junie 2004, wat enige hoop op regstelling deur die Britse howe tot 'n einde gebring het. Die Ilois en hulle ondersteuners is tans besig om die beslissing in die Europese menseregtehof te appelleer.

Die Amerikaanse Lugmag het die basis op Diego Garcia tydens die 1991 Golfoorlog en die 2001-oorlog in Afghanistan, sowel as die 2003-inval van Irak gebruik.

Verwysings

(en) British Indian Ocean Territory (British Overseas Territory) Geargiveer 13 Oktober 2013 op Wayback Machine, Foreign and Commonwealth Office. Besoek op 21 Augustus 2014.
"About Us" (in Engels). BIOT Post Office. Geargiveer vanaf die oorspronklike op 24 Oktober 2019. Besoek op 21 Augustus 2014.
"FCO country profile" (in Engels). 10 Junie 2006. Geargiveer vanaf die oorspronklike op 24 Februarie 2013. Besoek op 21 Augustus 2014.
"British Indian Ocean Territory". World Factbook (in Engels). Central Intelligence Agency. 27 Maart 2013. Geargiveer vanaf die oorspronklike op 24 April 2020. Besoek op 21 Augustus 2014.
(en) "British Indian Ocean Territory Currency". GreenwichMeantime.com. Besoek op 21 Augustus 2014.
Pobjoy Mint Ltd (17 Mei 2009). "Launch of First Commemorative British Indian Ocean Territory Coin" (in Engels). coinnews.net. Geargiveer vanaf die oorspronklike op 9 Oktober 2019. Besoek op 21 Augustus 2014.

Eksterne skakels

Wikimedia Commons het meer media in die kategorie Britse Indiese Oseaangebied.

Verenigde Koninkryk

Lande	Engeland • Skotland • Wallis • Noord-Ierland
Oorsese gebiede	Anguilla • Bermuda • Brits-Antarktiese Gebied • Britse Indiese Oseaangebied • Britse Maagde-eilande • Falkland-eilande • Gibraltar • Kaaimanseilande • Montserrat • Pitcairneilande • Sint Helena, Ascension en Tristan da Cunha • Suid-Georgië en die Suidelike Sandwicheilande • Turks- en Caicoseilande
Kroongebiede	Eiland Man • Guernsey • Jersey
Sowereine militêre basisse	Akrotiri en Dhekelië

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[FCO-1] (en) British Indian Ocean Territory (British Overseas Territory) Geargiveer 13 Oktober 2013 op Wayback Machine, Foreign and Commonwealth Office. Besoek op 21 Augustus 2014.

[po-2] "About Us" (in Engels). BIOT Post Office. Geargiveer vanaf die oorspronklike op 24 Oktober 2019. Besoek op 21 Augustus 2014.

[3] "FCO country profile" (in Engels). 10 Junie 2006. Geargiveer vanaf die oorspronklike op 24 Februarie 2013. Besoek op 21 Augustus 2014.

[CIA-4] "British Indian Ocean Territory". World Factbook (in Engels). Central Intelligence Agency. 27 Maart 2013. Geargiveer vanaf die oorspronklike op 24 April 2020. Besoek op 21 Augustus 2014.

[gmt-5] (en) "British Indian Ocean Territory Currency". GreenwichMeantime.com. Besoek op 21 Augustus 2014.

[coinnews-6] Pobjoy Mint Ltd (17 Mei 2009). "Launch of First Commemorative British Indian Ocean Territory Coin" (in Engels). coinnews.net. Geargiveer vanaf die oorspronklike op 9 Oktober 2019. Besoek op 21 Augustus 2014.