Brits-Oos-Afrika

Brits-Oos-Afrika (Engels: British East Africa) of die Oos-Afrikaanse Protektoraat (Engels: East Africa Protectorate) was 'n Britse protektoraat wat die huidige Kenia beslaan het.[1][2]

Die Vlag van Brits-Oos-Afrika.
'n Kaart van Brits-Oos-Afrika in 1909.

Geskiedenis

In 1907 het die nuutgestigte stad Nairobi die hoofstad geword. Brits-Oos-Afrika het 'n oppervlakte van 818 650 km² gehad.[3]

In 1888 het die Britse Oos-Afrikaanse Kompanjie by die Sultanaat van Zanzibar die reg verkry om sowat 200 kilometer van die Keniaanse kus te beheer. Die gebied was binne die Britse invloedsfeer soos ooreengekom in 1885 by die Berlynse Koloniale Konferensie. Met die ondergang van die Britse Oos-Afrikaanse Kompanjie het die gebied 'n Britse regeringskolonie geword en is die Oos-Afrikaanse Protektoraat in 1895 gestig. Daarna het die kolonisasie van die binneland begin. In 1902 is 'n deel van Uganda by die Oos-Afrikaanse Protektoraat gevoeg in verband met die bou van 'n spoorlyn. In 1920 is die Oos-Afrikaanse Protektoraat omskep in die Protektoraat van Kenia.[4]

Die streek rondom Witu was nie formeel deel van Brits-Oos-Afrika nie. Grondwetlik het dit aan die Sultanaat van Zanzibar behoort en het oorspronklik onder die Duitse invloedsfeer as Witu geval, maar het ná die Zanzibar-verdrag in 1890 'n Britse protektoraat geword met die naam Witu-Protektoraat.[5]

Verwysings
  1. British East Africa Company
  2. Kenya Protectorate Order in Council, 1920 S.R.O. 1920 No. 2343, S.R.O. & S.I. Rev. VIII, 258, State Pp., Vol. 87 p. 968
  3. British East Africa, by Grant Sinclair
  4. "Commonwealth and Colonial Law" by Kenneth Roberts-Wray, London, Stevens, 1966. P. 761
  5. Kenya (Annexation) Order in Council, 1920, S.R.O. 1902 No. 661, S.R.O. & S.I. Rev. 246.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.