Breaker Morant
Harry "The Breaker" Morant (* 9 Desember 1864 – † 27 Februarie 1902) was 'n luitenant in die Bushveldt Carbineers uit Australië tydens die Tweede Vryheidsoorlog wat bekendheid verwerf het na sy skuldigbevinding en teregstelling weens moord op talle krygsgevangenes en ander ooggetuies van sy wandade. Die bynaam "Breaker" het hy gekry vanweë sy bedrewenheid met die inbreek van perde. Hy het ook gedig en van sy werk is in verskeie tydskrifte gepubliseer.
| Harry "The Breaker" Morant | |
|---|---|
 | |
| Bynaam(e) | Harry, The Breaker |
| Geboortedatum | 9 Desember 1864 |
| Geboorteplek | Bridgwater, Somerset, Engeland |
| Sterfdatum | 27 Februarie 1902 (37 jaar oud) |
| Sterfplek | Pretoria, Suid-Afrika |
| Lojaliteit | .svg.png.webp){kind=small} Verenigde Koninkryk |
| Jare in diens | 1899–1902 |
| Rang | Luitenant |
| Eenheid | South Australian Mounted Rifles Bushveldt Carbineers |
| Veldslae/oorloë | Tweede Vryheidsoorlog |
Gedurende sy diens in die Tweede Vryheidsoorlog, was hy verantwoordelik vir bevele vir die summiere teregstelling van verskeie Boere- en swart gevangenes, wat gelei het tot sy omstrede krygsverhoor en teregstelling vir moord deur die Britse Leër. Sy doodsbevel is persoonlik deur Lord Kitchener geteken al het hy dit later ontken.
In Australië is Morant na sy dood as 'n volksheld beskou. Sy verhaal is in verskeie boeke vertel asook 'n bekende film, die regisseur Bruce Beresford se Breaker Morant (1979), wat 'n romantiese voorstelling van Morant se wandade maak en feite van sy brutale optrede verswyg.
