Bouwer Bosch

Bouwer Bosch (gebore in Pretoria in 1984) is 'n Suid-Afrikaanse sanger-liedjieskrywer, musikant, akteur en entrepreneur. Hy stel sy eerste album Almal maak Voute in 2011 vry, en word vereer met 'n Ghoema-trofee vir beste nuweling vir dié album in 2012. Sy album Hopelik is in 2016 vrygestel.

Bouwer Bosch
Bouwer Bosch tree op in Centurion
Agtergrondinligting
Gebore1984
Pretoria
OorsprongPotchefstroom
GenresPopmusiek
Beroep(e)Sanger-liedjieskrywer, musikant, akteur en entrepreneur
InstrumenteStem, kitaar
Jare aktief2011 — nou
EtiketteKanada Records
AssosiasiesStraatligkinders, Dans Dans Lisa
Webwerfbouwerbosch.co.za

Loopbaan

Bosch voltooi sy skoolloopbaan in Potchefstroom en verwerf 'n BA-graad in Kommunikasiekunde aan die Noordwes-Universiteit in Potchefstroom in 2009. Hy is ook deel van die musiekgroep Straatligkinders wat in 2006 gestig is. In 2013 maak hy sy debuut as akteur in die film Klein Karoo. Hy was ook te sien in kykNET se Donkerland en Ligte Kamera Liefde.

Sy maatskappy, Bouwer Bosch Films, vervaardig musiekvideo's en hy is ook ambassadeur vir sy eie liefdadigheidsorganisasie, Liefde Wen.

Versoening

In 2017 verduidelik Bosch dat die idee van versoening vir apartheid iets is wat die afgelope twee jaar op sy hart was, en verduidelik dit in 'n onderhoud met Phindile Dhlamini. Hy sê dat mense die apartheidskaart in die media speel, by privaat funksies, en oral waar hy homself bevind, maar nêrens kan hy gesprekke oor apartheid vind waar mense eintlik net na mekaar sit en luister in plaas daarvan op mekaar te skree nie.[1]

Afrikaner-aktivis en sanger Steve Hofmeyr sê dat Bosch se verskoning vir swart mense 'n gevaarlike skuldbelydenis is, en sê dat hy misleidend is en die werklikheid verontagsaam in die verskoning vir apartheid.[2]

Diskografie

Ateljeealbums
Jaar Albumbesonderhede
2011 Almal Maak Voute
  • Vrygestel: 1 November 2011
  • Uitgewer: Kanada
Jaar Albumbesonderhede
2016 Hopelik
  • Vrygestel: 28 Oktober 2016
  • Uitgewer: Kanada

Bronne

Eksterne skakels

Verwysings
  1. "Bouwer Bosch - Versoening met Phindile Dhlamini" (in Engels). YouTube. Geargiveer vanaf die oorspronklike op 25 Julie 2017. Besoek op 25 Junie 2017.
  2. "Hofmeyr tells Afrikaner 'apartheid apologiser' he's a 'pitiful hypocrite'" (in Engels). The Citizen. Geargiveer vanaf die oorspronklike op 26 Julie 2017. Besoek op 25 Junie 2017.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.