Bouveteiland

Bouveteiland (Noors: Bouvetøya) is 'n eiland geleë op 54˚26'SB, 3˚24'OL in die suidelike Atlantiese Oseaan. Die klein eiland behoort aan Noorweë en is eintlik 'n vulkaanpiek bedek met 'n permanente yslaag. Dit is onbewoon en dien amptelik as meteorologiese stasie.

Bouveteiland
Inheemse naam: Bouvetøya
Lugfoto van die Bouveteiland
Lugfoto van die Bouveteiland
Geografie
LiggingSuidelike Atlantiese Oseaan
Koördinate54°26′S 03°24′O

Oppervlakte49 vk km
Hoogste puntOlavtoppen 780 m
Administrasie
Vlag van Noorweë Noorweë
Oorsese gebiedBouveteiland

Ligging van die Bouvet-eiland in die suidelike Atlantiese Oseaan
Kaart van die Bouvet-eiland

Die eiland is in 1739 ontdek deur die Franse vlootoffisier Jean-Baptiste Bouvet de Lozier. In 1825 word die eiland vir die eerste keer deur Brittanje opgeëis. In 1927 neem die Nore dit in en die jaar daarop sien die Engelse van hulle eis af. In 1971 word Bouvet en die omringende water tot natuurreservaat verklaar.

Bouvet skep vir 'n onbewoonde eiland relatief bogemiddelde belangstelling vanweë sy eie Internet-domeinnaam. Dit is ".bv" en word beheer deur Noorweë, maar daar kan niks daarop geregistreer word nie. Baie internettoepassings bied nogtans die moontlikheid om Bouvet as landkeuse te kies.

Die stormbandpikkewyn en die witstormvoël leef en broei op die eiland.

Eksterne skakels


 
Oorsese gebiede van Noorweë
Bouveteiland · Jan Mayen · Koningin Maudland · Peter I-Eiland · Svalbard
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.