Boris en Gleb
Boris en Gleb (Russies: Борис и Глеб; Oekraïns: Борис і Гліб) was die eerste mense wat in Kiëf-Roes tot heiliges verklaar is ná die kerstening van die streek.
| Sint Boris en sint Gleb | |
|---|---|
 Middeleeuse Russiese ikoon van sint Boris en sint Gleb. | |
| Gebore | 986, 987 |
| Oorlede | 1015–1019 |
| Geëer in | Oosters-Ortodokse Kerk |
| Tot heiliges verklaar | 1071 |
| Nagedagtenis | Wisjhorod-katedraal, Kiëf |
| Feesdag | 2 Mei, 24 Julie |
| Kenmerke | Twee jong prinse, uitgebeeld met spiese of kruise |
Volgens die 11de-eeuse biografie Die Lewe van Boris en Gleb was hulle kinders van Wladimir die Grote en was hy liewer vir hulle as vir sy ander seuns. Albei is vermoor in die gewelddadige jare 1015–1019 en is in 1071 deur die Ortodokse Kerk in Kiëf-Roes tot heiliges verklaar. Verskeie kerke in Rusland en die Oekraïne is na hulle genoem. Hul feesdae is op 2 Mei en 24 Julie (nuwe tyd: 16 Mei en 6 Augustus)
In die Primêre Kronieke word hul ouer broer Swjatopolk die Vervloekte vir hul dood verantwoordelik gehou. Hy het hul pa in hul afwesigheid opgevolg en hulle albei laat vermoor. Die presiese omstandighede van hul lewe en dood is egter onseker omdat die biografie en kronieke nie baie betroubaar is nie.
Sien ook
- Lys van Russiese heiliges
Eksterne skakels
 |
Wikimedia Commons bevat media in verband met Boris en Gleb. |
- Ondersoek na Boris en Gleb se storie (ru)
- Princes Boris and Gleb: Proto-martyrs and Passion-Bearers of Old Russia Geargiveer 7 Oktober 2008 op Wayback Machine (en)
- Nestor: The Martyrdom of Boris and Gleb Geargiveer 12 Januarie 2013 op Wayback Machine (en)
Hierdie artikel is vertaal uit die Engelse Wikipedia