Bokwiet

Bokwiet (Fagopyrum esculentum) is 'n plant uit die duisendknoopfamilie (Polygonaceae). Belangrike Europese produksielande van bokwiet as voedselgewas is Pole en in 'n mindere mate Frankryk.

Bokwiet
Fagopyrum esculentum
Wetenskaplike klassifikasie
Koninkryk:
Plantae
(geen rang):
Angiosperms
(geen rang):
Eudicots
Orde:
Caryophyllales
Familie:
Polygonaceae
Genus:
Fagopyrum
Spesie:
F. esculentum
Binomiale naam
Fagopyrum esculentum
Moench
Sinonieme

vele

Dit is 'n eenjarige plant met 'n hol regopgroeiende, meermaal vertakte rooi stingel. Die blare is driehoekig tot hartvormig en is verspreid op die knope. Die wortelstelsel bestaan uit 'n sterk vertakte penwortel.

Bloeisels

Die bloeityd begin al in 'n jong stadium, soms al na ses weke, wat dan vyf-en-twintig tot dertig dae duur. Die blomme is in langstelige pluime gegroepeer, wit tot pienk van kleur, en bevat baie nektar. Op arm grond bereik bokwiet 'n hoogte van 50 cm. Voordat die bloeityd ten einde loop, is daar al ryp vrugte teenwoordig.

Saad

Die eetbare saad sit aan dun steeltjes wat in die ryp toestand maklik loskom. Dit het 'n meel- en eiwitryke inhoud, ooreenstemmend met die van klawer. Daar was vroeër twee rasse bekend: op die veengrond van Staphorster 'n bruinswart ras, en op sandgronde die Brabantse grys bokwiet. Die huidige rasse produseer minder nektar as die ou rasse. Tydens bewaring moet die saad droog wees, want dit muf maklik. Een kilogram saad bevat ± 45 000 sade.

Eienskappe

Bokwietmeel bevat baie magnesium, kalium en fosfor. Dit is voedsaam en lig verteerbaar. Deesdae word dit ook gekweek vir die geneeskunde.

Bokwiet lyk miskien na 'n graanproduk, maar dit is nie. Die meel daarvan kan goed gemeng word met ander graan, byvoorbeeld as basis vir pannekoek. Geroosterde bokwietkorrels staan bekend as 'kasja' in die Oos-Europese kookkuns.

  • Dopvrugte en los vrugwande
    Dopvrugte en los vrugwande
  • Uitgedopte bokwiet
    Uitgedopte bokwiet
  • Bokwietdoppe
    Bokwietdoppe
  • Bokwietbloeisels
    Bokwietbloeisels
  • Bokwietmeel
    Bokwietmeel
  • Opslag van saad wat tydens die oes neergeval het.
    Opslag van saad wat tydens die oes neergeval het.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.