Boer (speelkaart)

'n Boer (Engels: Jack, Knave of in sommige speletjies Bower) is 'n speelkaart wat in tradisionele Franse en Engelse pakke kaarte 'n man uitbeeld in die tradisionele of historiese klere van 'n aristokraat wat gewoonlik met 16de- of 17de-eeuse Europa verbind word.

Die boer van die vier verskillende kleure of soorte van Franse of Britse kaarte, met die skoppensboer bo.

Gewoonlik val die waarde van die boer tussen dié van die 10 en die vrou (of dame, koningin).

Verteenwoordiging

In die Engelse patroon[1] verteenwoordig die boer en ander prentkaarte niemand spesifieks nie,[2] in teenstelling met die historiese Franse praktyk waarin elke prentkaart 'n spesifieke historiese of mitologiese figuur verteenwoordig het.[3][4][5]

In sommige Suid-Italiaanse pakke is daar androgiene "boere" wat soms "meisies" genoem word. In die Sisilaanse tarotpak is die "boere" ook vroulik.[6] Omdat dié pak ook vroue insluit, is dit die enigste tradisionele pak kaarte wat tot in moderne tye behoue gebly het met twee range vroue. Dié pak is beïnvloed deur die ou Portugese pak, wat ook meisies ingehad het. Die moderne Mexikaanse pak het ook vroulike "boere".[7]

Voorbeelde

Die kaarte hier onder is van die Paryse patroon (waar die rang as valet bekend is). Die prentkaarte verteenwoordig historiese en mitologiese figure. Die Engelse patroon kan regs boaan dié artikel gesien word.

  • Skoppensboer: Ogier
    Skoppensboer: Ogier
  • Hartensboer: La Hire
    Hartensboer: La Hire
  • Ruitensboer: Hektor
    Ruitensboer: Hektor
  • Klawerboer: Lancelot
    Klawerboer: Lancelot

Verwysings
  1. English pattern by die International Playing-Card Society. Besoek op 26 Januarie 2016.
  2. Berry, John. (1998). "Frequently asked questions". The Playing-Card. Vol. 27-2. pp. 43-45.
  3. Games and Fun with Playing Cards deur Joseph Leeming by Google Books
  4. The Four King Truth by die Urban Legends Reference Pages
  5. Courts on playing cards, deur David Madore, met illustrasies
  6. Tarocco Siciliano, early form by die International Playing-Card Society. Besoek op 26 Januarie 2016.
  7. Scotoni, Ralph. Mexican Pattern by Alta Carta. Besoek op 26 Januarie 2016.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.