Boeing P-12

Die Boeing P-12 is 'n Amerikaanse dubbeldekker vegvliegtuig wat tussen die twee Wêreldoorloë sy verskyning gemaak het. Die vliegtuig is deur Boeing ontwikkel in hulle private hoedanigheid om die Boeing F2B en F3B te vervang. Boeing het die vliegtuig die F4B genoem. Die F4B was kleiner en ligter as sy voorgangers maar het dieselfde motor gehad as die F3B wat gelei het tot verbeterde prestasie.

Boeing P-12
Boeing P-12E by die Nasionale Museum van die United States Air Force
Tipe	Vegvliegtuig
Vervaardiger	Boeing
Nooiensvlug	25 Junie 1928
Bekendstelling	1930
Status	Onttrek
Hoofgebruikers	United States Army Air Forces Amerikaanse Vloot Brasilië
Vervaardig	1929–1932
Aantal gebou	586

Die Amerikaanse Vloot het 'n groot bestelling geplaas en later ook die Amerikaanse Leër; laasgenoemde het die vliegtuig die P-12 genoem. Beide van die Amerikaanse magte het verskeie variante van die vliegtuie bedryf tot en met die uitbreek van die Tweede Wêreldoorlog. Brasilië was die enigste land wat die vliegtuig gekoop het. Daar was 586 van die vliegtuig vervaardig.