Boeing 777

Die Boeing 777 is 'n familie van ultra-lang reikafstand, wyeromp-tweemotorige straalpassasiersvliegtuie wat deur Boeing Commercial Airplanes gebou word.

Boeing 777
'n Boeing 777-200 van Cathay Pacific styg op uit Hongkong.
Tipe Wyeromp-stralervliegtuig
Vervaardiger Boeing Commercial Airplanes
Ontwerp deur Boeing Commercial Airplanes
Nooiensvlug 12 Junie 1994
Vrygestel 7 Junie 1995 met United Airlines
Status In gebruik
Hoofgebruikers Emirates
United Airlines
Air France
Singapore Airlines
Vervaardig 1993-huidig
Aantal gebou 1 559 tot April 2020
Programkoste VS$ 5 miljard[1]
Eenheidskoste 777-200ER: VS$306,6 miljoen[2]
777-200LR: VS$346,9 miljoen[2]
777-300ER: VS$375,5 miljoen[2]
777F: VS$352,3 miljoen[2]

Dit is die wêreld se grootste tweelingstraler ("Twinjet") en het 'n tipiese sitplekuitleg vir 314-451 passasiers, met 'n reikafstand van 9 695 tot 17 372 km (5 235 tot 9 380 seemyl). Algemeen na verwys as die "Triple Seven",[3] sluit sy onderskeidende kenmerke in die grootste deursnee turbowaaierenjins aan 'n vliegtuig, ses wiele op elke hooflandingstel, 'n ronde rompdeursnit, en 'n lemgevormde stertkëel.

'n Boeing 777-200 van United Airlines, die 777 se bekendstellingskliënt

Die 777 is in oorleg met agt groot lugrederye ontwerp om ouer wyerompvliegtuie te vervang en die vermoë verskil tussen Boeing se 767 en 747 te oorbrug. As Boeing se eerste "fly-by-wire" vliegtuig het dit volle rekenaargesteunde beheer; dit is ook die eerste geheel-en-al rekenaarontwerpte kommersiële vliegtuig.

Die 777 word ook sedert 2014 in twee romplengtes vervaardig. Die oorspronklike 777-200 variant begin met kommersiële diens in 1995, gevolg deur die uitgebreide-reeks 777-200ER in 1997. Die gestrekte 777-300, wat 10,1 meter (33,3 voet) langer is, is in 1998 in diens gestel. Die langer reeks 777-300ER en 777-200LR variante kom in diens in 2004 en 2006 onderskeidelik, terwyl 'n vragtuigweergawe, die 777F, sy debuut in Februarie 2009 gemaak het. Beide langreeksweergawes en die vragtuig gebruik General Electric GE90-enjins en het vlerkpunte wat boontoe gebuig is om aerodinamika te verbeter. Die vroeëre 777-200, -200ER en -300 weergawes is toegerus met GE90, Pratt & Whitney PW4000 of Rolls-Royce Trent 800-enjins. Die 777-200LR is die wêreld se langste reikafstand vliegtuig en kan meer as halfpad ononderbroke om die wêreld vlieg; dit hou die rekord vir die langste afstand geenstop gevlieg deur 'n kommersiële vliegtuig.[4]

'n Nuwe Air India Boeing 777-200LR word uitgerol by die Boeingfabriek.

Verwysings
  1. AW&ST 26 April 1999, p. 39
  2. "Boeing Commercial Airplanes: Prices" (in Engels). Boeing. Geargiveer vanaf die oorspronklike op 9 Junie 2020. Besoek op 23 Februarie 2019.
  3. Robertson, David (13 Maart 2009). "Workhorse Jet Has Been Huge Success with Airlines that Want to Cut Costs". The Times (in Engels). London, England, United Kingdom: Times Newspapers. Geargiveer vanaf die oorspronklike op 7 Augustus 2011. Besoek op 20 Maart 2009.
  4. Guinnessrekord
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.