Bloureier

Die bloureier is 'n groot voël: 90–100 cm lank met 'n 175–195 cm vlerkspan en 'n massa van 1–2 kg. Sy vere is meestal blou-grys bo-op en 'n vuilwit aan die onderkant. Volwassenes het 'n wit kop met 'n breë wit voorkop, terwyl jong voëls 'n grys kop het. Die voël het 'n kragtige pienk-geel bek, wat breër is by parende volwassenes. Die bloureier vlieg stadig, met sy lang nek in 'n "S"-vorm teruggetrek.

Die spesie paar in kolonies in bome naby mere, die strand of ander moeraslande. Reiers sal ook soms hul nesse in die riete in rivierbeddings bou. Die nes is groot en lywig en word uit stokkies gebou.

Die bloureier verkies 'n matige klimaat en word dus in die dele van Europa gevind wat so 'n klimaat bied, sowel as Asië. Dit word ook in die suidelike en westelike dele van Afrika gevind. Baie voëls sal egter migreer tydens die winter om ys in kouer areas te vermy.

Die bloureier jag in vlak water, waar dit visse of paddas vang met sy lang bek. Soms sal dit ook klein soogdiere of ander voëls vang. Die reier wag gewoonlik vir sy prooi om stil te staan voor hy dit vang, of sal dit baie stadig agtervolg.

Die voël maak 'n lang "fraaank" geluid.

• Ardea cinerea cinerea. Linnaeus, 1758. Europa, Afrika, Wes-Asië.
• Ardea cinerea jouyi. Clark, 1907. Oos-Asië.
• Ardea cinerea firasa. Hartert, 1917. Madagaskar.
• Ardea cinerea monicae. Jouanin & Roux, 1963. Mauritanië.

• 
  'n Bloureier wat visvang
• 
  'n Onvolwasse reier
• 
  'n Vlieënde bloureier
• 
  'n Bloureier in vlak water
• 
  Skedel
• 
  Eiers

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

• Newman se Voëls van Suider-Afrika, ISBN 1-86872-982-6
• Handbook of the Birds of the World. Josep del Hoyo, Andrew Elliott en Jordi Sargatal (red). 1: 405. Lynx Edicions.