Blougaai

Die Blougaai (Cyanocitta cristata) is 'n sangvoël inheems aan Noord-Amerika. Hulle het opvallende laventelblou vere op die kop en rug. Vere op die onderlyf is gebroke wit. Hulle het 'n swart kraag om die nek en word ongeveer 30 cm lank.[2]

Blougaai
Wetenskaplike klassifikasie
Domein:
Eukaryota
Koninkryk:
Animalia
Filum:
Chordata
Klas:
Aves
Orde:
Passeriformes
Familie:
Corvidae
Genus:
Cyanocitta
Spesie:
C. cristata
Binomiale naam
Cyanocitta cristata
Globale verspreiding: Geel: broeigebied; Groen: heel jaar woonagtig; Blou: oorwintering.

Verspreiding

Die blougaai kom oor 'n groot deel van die oostelike helfte van die Verenigde State van Amerika voor. Hulle is talryk in gemengde bos, maar is ook algemeen in parke en tuine.

Dieet

Blougaaie is omnivore wat 'n verskeidenheid voedselsoorte benut. Hulle vreet onder andere sade, bessies, grondboontjies en brood, maar ook vleis, eiers en klein ongewerwelde diertjies.

Voortplanting

Modder word gebruik om die nes in 'n geskikte boom of groot struik te bou. Beide die mannetjie en die wyfie bou saam aan hul nes. Daarna lê die wyfie haar eiers wat na 16 tot 18 dae uitbroei. Hulle maak die kuikens saam groot.

Fotogalery
  • Blougaai, subspesie Cyanocitta cristata cristata in Noord-Carolina
    Blougaai, subspesie Cyanocitta cristata cristata in Noord-Carolina
  • Subspesie C. c. cyanotephra in DeSoto Nasionale natuurlewe-toevlugsoord, Iowa
    Subspesie C. c. cyanotephra in DeSoto Nasionale natuurlewe-toevlugsoord, Iowa
  • Subspesie C. c. semplei in Collier County, Florida
    Subspesie C. c. semplei in Collier County, Florida
  • Subspesie C. c. bromia in Muskoka-mere, Ontario
    Subspesie C. c. bromia in Muskoka-mere, Ontario

Sien ook

Verwysings
  1. BirdLife International (2012). "Cyanocitta cristata". IUBN-rooilys van Bedreigde Spesies. Weergawe 2013.2. Internasionale Unie vir die Bewaring van die Natuur. Besoek op 26 November 2013. {{cite web}}: Ongeldige |ref=harv (hulp)
  2. Animal Life, Tirion Uitgewers BV, Baarn. ISBN 978-90-5210-774-5
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.