Black Beauty

Black Beauty is die naam van 'n kinderboek deur Anna Sewell wat in 1877 gepubliseer is. Die hoofkarakter van die boek is 'n perd met dieselfde naam. Dit is al tot talle rolprente en TV-programme verwerk.[1]

Black Beauty
SkrywerAnna Sewell
LandVlag van Verenigde Koninkryk Verenigde Koninkryk
TaalEngels
GenreKinderboek
UitgewerJarrold & Sons
Uitgegee24 November 1877
Bladsye255
Letterkunde-portaal

In die boek vertel die perd die storie van sy lewe en al sy wedervaringe. Dit begin waar hy vry en gemaklik saam met sy ma woon. Toe hy oud genoeg was, is hy van plaas tot plaas verkoop en deur verskillende mense besit. Deur sy avonture ontmoet baie gawe en wrede mense. Hy maak ook talle nuwe vriende en kom voor verskeie uitdagings te staan.[2]

Black Beauty was Sewell se enigste roman. Sy het dit van 1871 tot 1877 by haar huis in Old Catton (naby Norwich) geskryf. Soms was sy te siek om self te skryf en dikteer sy die storie vanuit haar siekbed aan haar ma, die skryfster Mary Wright Sewell. Vanaf 1876 het sy ook op stukkies papier skryf, wat haar ma vervolgens oorgeskryf het. Sy verkoop die roman op 24 November 1877 en sterf vyf maande na die publikasie daarvan. Voor haar dood het sy reeds besef dat dit 'n topverkoper is.

Die boek was vir 'n tyd as gevolg van sy titel in Suid-Afrika verban gewees.[3]

Dit is deur Elizabeth Weber in Afrikaans vertaal en as Swart Glorie (ISBN 978-1-77023-546-5) gepubliseer.

Verwysings
  1. HAT Taal-en-feitegids, Pearson, Desember 2013, ISBN 978-1-77578-243-8
  2. Merriam-Webster (1995). "Black Beauty". Merriam Webster's Encyclopedia of Literature.
  3. "Verboden: van 'Mein Kampf' tot 'Black beauty'". Dag, 12 September 2007

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.