Bilateria

Bilateria, of triploblaste, is diere met bilaterale simmetrie; hulle het dus ’n kop ("voorkant") en ’n stert ("agterkant"), sowel as ’n rug ("bokant") en ’n maag ("onderkant"). Hulle het dus ook ’n linker- en regterkant. In vergelyking hiermee het radiaal simmetriese diere soos jellievisse ’n bo- en onderkant, maar nie ’n identifiseerbare voor- of agterkant nie.[1]

Bilateria
Kladistiese klassifikasie
Domein: Eukaryota
Koninkryk: Animalia
Subkoninkryk: Eumetazoa
Klade: Bilateria
Hatschek, 1888

Bilateria is ’n groot groep diere wat die meeste filums insluit, behalwe Porifera (sponse), Cnidaria, Placozoa en Ctenophora. Die meeste embrio's is triploblasties; dit het drie kiemlae: ’n endoderm, mesoderm en ektoderm. Feitlik almal is (heeltemal of byna) bilateraal simmetries; die mees merkwaardige uitsondering is stekelhuidiges, wat as volwassenes byna-radiale simmetrie het, maar as larwes bilateraal simmetries is.

Buiten ’n paar filums soos platwurms en Gnathostomulida het die diere volledige spysverteringskanale met ’n aparte mond en anus. Sommige diere soos bogenoemde twee filums het geen liggaamsopeninge nie, terwyl ander skynbare openinge het, soos ’n skynbuikholte.[2][3]

Geskiedenis
Dickinsonia costata

Die vroegste ontwikkeling van die Eumetazoa het in die Neoproterosoïkum plaasgevind. In die vroegste bron van fossiele dierespesies uit die Ediacarium, is 'n paar reste van Bilateria aangetref, soos die spore van 'n wurm. Hierdie spoorfossiel word Heminthoidichnites genoem. Die (liggaams)fossiel Kimberella word gewoonlik ook as 'n lid van die Bilateria beskou. Fossiele wat volop gevind word is spesies van die genus Dickinsonia. Hulle het tot 1 m lank geword en 'n ovale vorm gehad met 'n liggaam wat uit 'modules' bestaan het en 'n middellyn vertoon. Hierdie organismes verteenwoordig dalk 'n uitgestorwe tak wat tussen die Radiata en die Bilateria geplaas moet word.[4]

Kladogram
Metazoa
Radiata

Ctenophora

Cnidaria



Bilateria
Nephrozoa

Protostomia



Deuterostomia

Xenacoelomorpha




Verwysings
  1. "Bilateria" (PDF).
  2. "Probable ancestor of cephalochordates" (PDF). Penichefossil. Geargiveer vanaf die oorspronklike (PDF) op 23 November 2015. Besoek op 9 Januarie 2017.
  3. "Ediacaran fauna worms". Walter Jahn. Besoek op 9 Januarie 2017. – Suny Orange
  4. Highly regulated growth and development of the Ediacara macrofossil Dickinsonia costata. Scott D. Evans, Mary L. Droser, James G. Gehling, PLOS Mei 2017.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.