Bibliofilie

Bibliofilie of bibliofilisme is die liefde vir boeke. 'n Bibliofiel of boekwurm is 'n individu wat lief is vir en gereeld boeke lees.

The Bookworm, 1850, deur Carl Spitzweg.

Profiel

Die klassieke bibliofiel is iemand wat daarvan hou om boeke te lees, te bewonder en te versamel. Hy maak dikwels 'n groot en gespesialiseerde versameling bymekaar. Bibliofiele besit gewoonlik boeke wat hulle liefhet of wat spesiale waarde het, sowel as ou uitgawes met ongewone bindings, getekende of geïllustreerde kopieë. "Bibliofiel" is 'n gepaste term vir 'n minderheid van diegene wat boekversamelaars is.

Gebruik van die term

Bibliofilie moet nie verwar word met bibliomania nie, 'n potensiële simptoom van obsessief-kompulsiewe versteuring wat die versameling van boeke in 'n mate behels dat interpersoonlike verhoudings of gesondheid negatief beïnvloed kan word, en waarin die blote feit dat 'n fisiese voorwerp 'n boek is voldoende is, sodat dit versamel of geliefd kan word. Sommige gebruik die term "bibliomania" uitruilbaar met "bibliofilie".

Geskiedenis

Volgens Arthur H. Minters was die "private versameling van boeke 'n mode waarmee baie Romeine, insluitend Cicero en Atticus, hul besig gehou het. Die term bibliofiel het die Engelse taal in 1820 betree. 'n Bibliofiel moet onderskei word van die veel ouer begrip van 'n boekman (wat terugdateer na 1583), van een wat lief is vir boeke, en veral lees; meer algemeen was 'n boekman iemand wat deelneem aan die skryf, publiseer of verkoop van boeke.[1][2][3][4][5]

Verwysings
  1. "Is 'bookworm' positive or negative?". Merriam Webster. Besoek op 18 Junie 2019.
  2. "Bookworm". synonyms. Besoek op 19 Junie 2019.
  3. Carter, John (1952). ABC for Book Collectors. Geargiveer vanaf die oorspronklike op 21 November 2017. Besoek op 4 Oktober 2011.
  4. "Home | Library of Congress". Library of Congress.
  5. Minters, Arthur H. (1979). Collecting Books for Fun and Profit. New York: Arco Publishing Inc. ISBN 0-668-04598-1.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.