Bes

Bes (soms ook Bisoe) was in die Egiptiese mitologie die beskermer van huishoudings, in besonder ma's, kinders en geboortes. Hy is later beskou as die beskermer van enigiets goeds en die vyand van alles wat slegs is. Hoewel studies in die verlede daarop gedui het dat hy ’n Middelryk-invoer uit Nubië was, dui meer onlangse navorsing aan hy was sedert die begin van die Ou Ryk deel van die Egiptiese godsdiens. Hy is al in voordinastiese kulture van die Nylvallei genoem, maar sy kultus het nie versprei voor die begin van die Nuwe Ryk nie.

Bes
Beel van Bes uit Sirië in die Istanboelse Argeologiese Museum.
Soort god	Egipties
God van	Geluk, vrugbaarheid en die kunste
Kultussentrum	Nuwe Ryk
Simbool	Volstruisveer
Portaal    Antieke Egipte

Moderne geleerdes soos James Romano glo Bes was in die vroegste uitbeeldings ’n leeu wat op sy agterpote staan.[1] Ná die Derde Oorgangstydperk is hy dikwels uitgebeeld as net ’n kop, en dié is dikwels as ’n gelukbringer gedra.