Bennu

Die bennu was 'n heilige voël in die Egiptiese mitologie. Dit word dikwels as 'n reier weergegee. Dit is nie heeltemal duidelik watter reier die Egiptenare bedoel het nie. Dit kan Ardea cinerea of die groter A. goliath gewees het, maar daar het ook 'n bennu-reier A. bennuides bestaan waarvan die beenders in Adu Dhabi gevind is en wat nou uitgestorwe is. Die bennu word verbind met Atoem, die skeppergod maar ook met Ra die songod.[1] Die voël is egter hoofsaaklik aan Osiris gewy en is 'n simbool van wederopstanding. Die naam beteken dié wat terugkeer of omdraai. 'n Legende uit Heliopolis vertel dat die voël singend uit die vlamme van 'n bepaalde boom opstyg en dat sy lied so pragtig is dat selfs die songod Ra na hom luister. Die siel van 'n oorlede mens word dikwels met 'n bennu vergelyk.[2] Hoofstuk LXXXIII van die Egiptiese Boek van die Dooies is aan die verandering in 'n bennu-voël gewy.[3]

Bennu
bn
nw t		 G31

Asteroïde

Verwysings
  1. Birds: Myth, Lore and Legend Rachel Warren Chadd, Marianne Taylor Bloomsbury Publishing, 2016, ISBN 1-4729-2288-3, ISBN 978-1-4729-2288-5
  2. A Concise Dictionary of Egyptian Archaeology Mary Brodrick Methuen & Company, 1902
  3. Awakening Osiris: A New Translation of the Egyptian Book of the Dead Normandi Ellis Red Wheel/Weiser, 2009, ISBN 1-60925-854-1, ISBN 978-1-60925-854-2
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.