Ben Kingsley

Sir Ben Kingsley (gebore as Krishna Bhanji; 31 Desember 1943) is ’n Britse akteur. In sy loopbaan van langer as vier dekades het hy ’n Oscar, Grammy, Bafta, twee Golden Globes en Screen Actors Guild Awards gewen.

Sir Ben Kingsley
'n Beeld van die betrokke persoonlikheid.
Kingsley in 2008.
Geboortenaam Krishna Bhanji[1]
Geboorte 31 Desember 1943 (1943-12-31)
Aktiewe jare 1966-tans

Loopbaan

Kingsley het op universiteit by toneelspel betrokke geraak en sy verhoogdebuut op 23 gemaak. Hy het hom 15 jaar lank op die verhoog toegespits. In 1967 het hy sy debuut in die West End gemaak en in 1971 sy Broadway-debuut. Omstreeks 1977 het hy sy huidige professionele naam aangeneem;[2][3] sy van kom van sy oupa aan vaderskant se bynaam, "King Clove".[4]

Aanvanklik het hy klein rolle in rolprente en op televisie ook gehad, maar eers in 1982 werklik bekend geraak danksy sy vertolking van Mohandas Gandhi in die prent Gandhi, waarvoor hy die Oscar vir beste akteur gewen het. Hy was ook in Schindler's List (1993), Sexy Beast (2000), Lucky Number Slevin (2006), Shutter Island (2010), Prince of Persia: The Sands of Time (2010), Hugo (2011) en Iron Man 3 (2013).

Kingsley is in 2002 tot ridder geslaan[5] en in 2010 het hy ’n ster op die Hollywood Walk of Fame gekry.[6] In 2013 het hy die Bafta Los Angeles Britannia-prys ontvang vir sy wêreldwye bydrae tot rolprentvermaak.[7]

Verwysings
  1. https://familysearch.org/ark:/61903/1:1:QV7M-2TG2
  2. Uit Inside the Actors Studio
  3. "Sir Ben's Sexy honour", BBC News. 31 Desember 2001.
  4. Moreton, Cole (15 Mei 2010). "The dark family secret that drove Ben Kingsley to success" (in Engels). The Daily Mail. Geargiveer vanaf die oorspronklike op 28 November 2017. Besoek op 15 Mei 2010.
  5. "Sir Ben: Knighthood beats Oscar", bbc.co.uk; besoek op 13 Maart 2013.
  6. Sir Ben Kingsley gets star on Hollywood Walk of Fame, BBC News. Besoek op 20 Junie 2010
  7. "The Britannia Awards: Kathryn Bigelow and Sir Ben Kingsley". Bafta. Besoek op 26 Junie 2015

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.