Bellevue
Bellevue is 'n voorstad van Johannesburg in Suid-Afrika. Bellevue is sowat 5 km noordoos van die stadsaal geleë.
Bellevue | |
|---|---|
  Bellevue Bellevue se ligging in Gauteng | |
| Koördinate: 26°10′45″S 28°04′03″O | |
| Land |  Suid-Afrika |
| Provinsie | Gauteng |
| Munisipaliteit | Stad Johannesburg |
| Oppervlak | |
| • Totaal | 0,43 km2 (0,17 vk. myl) |
| Bevolking (2011)[1] | |
| • Totaal | 9 323 |
| • Digtheid | 21 681/km2 (56 150/vk. myl) |
| Rasverdeling (2011) | |
| • Wit mense | 1.6% |
| • Indiërs/Asiërs | 0.5% |
| • Bruin mense | 1.7% |
| • Swart mense | 96.1% |
| • Ander | 0.2% |
| Taal (2011) | |
| • Zoeloe | 26.7% |
| • Engels | 23.0% |
| • ndebele | 12.6% |
| • Noord-Sotho | 4.2% |
| • Ander | 33.5% |
Bellevue word begrens deur Yeoville in die weste, Bellevue-Oos in die ooste, Houghton Estate in die noorde en Highlands in die suide. Die woonbuurt is omstreeks 1890 deur Robert Fuller Bertram (na wie Bertrams genoem is) op die plaas Doornfontein uitgelê. Die naam, wat Frans is vir "pragtige uitsig", verwys moontlik na die uitsig van hier op die Johannesburgse middestad, die suidelike streke en die Magaliesbergreeks na die noorde.
Die voorstede Bellevue-Oos en Bellevue-Sentraal is in 1896 bygevoeg.
Volgens die 2011-sensus is 96,1% van Bellevue se 9 323 inwoners swart, terwyl net 145 hul ras as wit aangedui het. In die ou Suid-Afrika was dit 'n oorwegend Engelssprekende voorstad met byvoorbeeld 2 379 Engelssprekende munisipale kiesers in 1934, maar net 109 Afrikaanssprekendes. In 1949 was dit 3 911 en 543, maar teen 1961 het die albei groep se getalle teruggesak: tot 3 643 en 343.
Verwysings
- "Subplek Bellevue". Sensus 2011.
Bronne
- (en) Raper, Peter E. 2004. New Dictionary of South African Place Names. Johannesburg & Cape Town: Jonathan Ball Publishers.
- (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.
Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.