Barrydale

Barrydale se geskiedenis begin in die vroeë 1700's toe boere na die gebied getrek het op soek na vrugbare grond met water. In 1978 word die Nederduits Gereformeerde gemeente van Barrydale gestig en word grond aangeskaf om 'n kerk te bou waar die paaie wat vandag as die R62 en R324 bekend staan ontmoet. Die dorp wat in 1880 gestig is, is vernoem na Joseph Barry. Die munisipaliteit is in 1921 gevestig.

Wingerde en boorde is in die omgewing aangeplant en in 1940 is die Barrydale Koöperatiewe Wynkelder gevorm en 'n brandewyn distilleerdery gevestig. Die warm klimaat leen die gebied tot die verbouing van verskeie soorte vrugte en daar is menige vrugteboorde in die vrugbare Tradouwvallei aangeplant. Appels, pere en lemoene word hier in die winter geoes en appelkose, vye, en perskes en druiwe in die somer.

Soos baie ander dorpe in Suid-Afrika is die nalatenskap van apartheid nog duidelik sigbaar in die verdeling van die dorp in 'n “wit-” en “swart-” gedeelte wat meestal deur afstammelinge van die inheemse KhoiKhoi bewoon word. Die dorpie is kultureel divers met beide Engels- en Afrikaanssprekende inwoners asook onlangse immigrante uit Europa. Die dorpie se bevolking is tans ongeveer 3500 permanente inwoners wat dramaties styg tydens die toeriste-seisoen. Die klimaat is gematig met warm droë somers met gemiddelde temperatuur van 25 °C wat soms tot 35 °C styg. Winters is ook matig, nat en temperatuur daal soms tot -1 °C wat gepaardgaan met ligte ryp.

Kerkgeboue van die verskillende gemeentes in die dorp:

• 
  Nederduitse Gereformeerde Kerk
• 
  Nuwe Apostoliese Kerk
• 
  Evangelies Gereformeerde Kerk van SA
• 
  Interdenominale Kerk

• 
  Barrydale
• 
  Karoo Hotel
• 
  Belanti-kinema
• 
  Magpie-kunsgalery
• 
  Ronnie se Sekswinkel

• Lys van dorpe in Suid-Afrika

Wikimedia Commons bevat media in verband met Barrydale.

• Barrydale Geargiveer 31 Desember 2006 op Wayback Machine op Viewoverberg.com
• Barrydale webwerf
• Wynroete wat die Breederiviervally en die Klein Karoo insluit
• Akkommodasie, plaaslike kunstenaars en kaart van die gebied Geargiveer 15 September 2005 op Wayback Machine