Barrakuda

Die roofvis is groot met 'n lang silindriese lyf en verlengde kop met baie skerp tande. Die bokant van die lyf is staalgrys van kleur terwyl die kante en pens meer neig na silwer. Vertikale strepe kan gesien word op die lyf van pas gevangde visse en daar is kolle op die agterste sye van die vis. In Suid-Afrika is die hengelrekord 24 kg terwyl die vis normaalweg tot 20 kg swaar en ±1.8 m lank word. In ander wêrelddele word die visse selfs groter.

Met sy prominente, skerp tande val die roofvis enige spesie in die water aan. Kleiner Barrakudas kom in skole voor en bly in kalmer waters terwyl die volwassenes alleen jag by riwwe. Die vis is nie 'n gewilde eetvis nie.

Wikimedia Commons bevat media in verband met Sphyraena barracuda.

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

• Top Angling Fishes of Southern Africa. Hennie Crous. 2010. ISBN 978 1 77007 403 3
• Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6

• http://fishbase.org/summary/Sphyraena-barracuda.html