Barbituraat

’n Barbituraat is ’n middel wat as depressant van die sentrale senuweestelsel gebruik word. Dit het ’n moontlik verslawende uitwerking en ander newe-effekte, en ’n oordosis is moontlik. Hulle is meestal deur ander middels vervang in die behandeling van byvoorbeeld angs en slaaploosheid omdat dié middels ’n laer risiko vir verslawing inhou en weens die gebrek aan ’n teenmiddel vir ’n oordosis van barbiturate. Barbiturate word egter steeds gebruik in sekere gevalle soos die behandeling van epilepsie en akute migraine, genadedood, teregstellings en bygestaande selfmoord.[1]

Barbituursuur, die moederstruktuur van alle barbiturate.

Die naam barbituraat kom van barbituursuur, waarvan barbiturate almal chemiese derivate is.[2]

As dwelmmiddel

Barbiturate word ook as ’n dwelmmiddel gebruik. Volgens dwelmmisbruikers gee dit hulle gevoelens van ontspanne tevredenheid en euforie. Met herhaalde gebruik kan sielkundige afhanklikheid ook ontwikkel.[3] Chroniese misbruik van barbiturate word verbind met aansienlike morbiditeit. In een studie is bevind 11% van mans en 23% van vroue wat dit misbruik, pleeg selfmoord.[4] Ander effekte van bedwelming met die middel sluit in loomheid, laterale en vertikale nistagmus (onwillekeurige, ritmiese of rukkerige oogbeweging),[5] ’n sleeptong en ataksie (koördinasieloosheid), en die verlies aan inhibisies.

Barbiturate word ook gebruik om die onttrekkingsimptome van onwettige dwelmmisbruik te verlig.[6][7] Barbiturate word dikwels saam met ander middels, soos alkohol, gebruik. Straattaal vir barbiturate sluit in barbs, barbies, bluebirds, dolls, wallbangers, yellows, downers, goofballs, sleepers, reds & blues en tooties.[8]

Verwysings
  1. "DIGNITAS". Geargiveer vanaf die oorspronklike op 9 Oktober 2018. Besoek op 14 Junie 2011.
  2. Edward R. Garrett; Jacek T. Bojarski†; Gerald J. Yakatan (21 September 2006). "Kinetics of hydrolysis of barbituric acid derivatives". Journal of Pharmaceutical Sciences. 60 (8): 1145–54. doi:10.1002/jps.2600600807. PMID 5127086.
  3. Schlatter J; Sitbon N; Saulnier JL (17 Februarie 2001). "[Drugs and drug abusers]". Presse Med. 30 (6): 282–7. PMID 11252979.
  4. Allgulander C, Ljungberg L, Fisher LD (Mei 1987). "Long-term prognosis in addiction on sedative and hypnotic drugs analyzed with the Cox regression model". Acta Psychiatr Scand. 75 (5): 521–31. doi:10.1111/j.1600-0447.1987.tb02828.x. PMID 3604738.
  5. "Nistagmus" in die WAT. Aanlyn by viva-afrikaans.org (intekening nodig). Besoek op 17 Augustus 2020..
  6. Emedicine Health. "Barbiturate Abuse". p. 1. Geargiveer vanaf die oorspronklike op 2 Augustus 2008. Besoek op 15 Julie 2008.
  7. Faulkner TP; Hayden JH; Mehta CM; Olson DA; Comstock EG (1979). "Dose-response studies on tolerance to multiple doses of secobarbital and methaqualone in a polydrug abuse population". Clin Toxicol. 15 (1): 23–37. doi:10.3109/15563657908992476. PMID 498734.
  8. Hamid H.; El-Mallakh RS; Vandeveir K (Maart 2005). "Substance Abuse: Medical and Slang Terminology". South Med J. 98 (3): 350–362. doi:10.1097/01.SMJ.0000153639.23135.6A. PMID 15813163.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.